அமெரிக்க டாலரின் உலகளாவிய ஆதிக்கம் மெல்ல மெல்ல சரிந்து வருவதாக சீனா அதிகாரப்பூர்வமாக அறிவித்துள்ளது

அமெரிக்க டாலரின் உலகளாவிய ஆதிக்கம் மெல்ல மெல்ல சரிந்து வருவதாக சீனா அதிகாரப்பூர்வமாக அறிவித்துள்ளது. 

முதலில் இது ஒரு வெறும் ஊகமாகத் தோன்றினாலும், தற்போதைய புள்ளிவிவரங்கள் அதனை உறுதிப்படுத்துகின்றன. 

2010-ஆம் ஆண்டில் சீனாவின் சர்வதேசப் பரிவர்த்தனைகளில் சீன யுவானின் (Yuan) பங்கு வெறும் 1% க்கும் குறைவாகவே இருந்தது. ஆனால், 2023 மார்ச் மாதத்தில் முதல்முறையாக டாலரை யுவான் முந்தியது. 

2024 மார்ச் நிலவரப்படி, சீனாவின் எல்லை தாண்டிய வர்த்தகத்தில் 52.9% யுவானிலும், டாலரின் பங்கு 42.8% ஆகவும் குறைந்துள்ளது. இந்த மாற்றம் தொடர்ந்து வேகம் எடுத்து வருகிறது.

ஈரான் போர் இந்த நிதி மாற்றத்தை மிகப்பெரிய அளவில் துரிதப்படுத்தியுள்ளது. ஈரான் நாடு ஹார்முஸ் ஜலசந்தியை (Strait of Hormuz) மூடியபோது, கச்சா எண்ணெயை டாலருக்குப் பதிலாக யுவானில் விற்க முன்வரும் கப்பல்களுக்கு மட்டுமே விதிவிலக்கு அளித்தது.

 "நீங்கள் ஜலசந்தியை கடக்க வேண்டுமானால், சீனாவின் கரன்சியில் பணம் செலுத்துங்கள்" என்று ஈரான் திட்டவட்டமாக அறிவித்தது. உலகளாவிய எண்ணெய் வர்த்தகத்தில் 80% டாலரில் நடந்து வந்த நிலையில், இது அமெரிக்காவின் நிதி அமைப்பிற்கு விடுக்கப்பட்ட நேரடி சவாலாக அமைந்தது.

இந்த மாற்றத்தின் முதுகெலும்பாக இருப்பது சீனா உருவாக்கிய CIPS (Cross-Border Interbank Payment System) ஆகும். 

மேற்கத்திய நாடுகளின் கட்டுப்பாட்டில் உள்ள SWIFT அமைப்பிற்கு மாற்றாக 2015-ல் தொடங்கப்பட்ட இந்த அமைப்பு, தற்போது உலக நாடுகளுக்கு ஒரு வலுவான மாற்றாக உருவெடுத்துள்ளது. 

பிரிக்ஸ் கூட்டமைப்பால் டாலர் ஆதிக்கத்தை வீழ்த்த முடியுமா?

2022-ல் உக்ரைன் போரின் போது ரஷ்யா SWIFT அமைப்பிலிருந்து நீக்கப்பட்ட பிறகு, பல நாடுகள் பாதுகாப்பான மாற்றாக CIPS-ஐ நோக்கி நகரத் தொடங்கின. 

இந்த அமைப்பு சீன யுவானில் நேரடியாகவும் வேகமாகவும் பரிவர்த்தனைகளை மேற்கொள்ள வழிவகை செய்கிறது.

கடந்த 12 மாதங்களில் யுவான் மதிப்பானது டாலருக்கு எதிராக 7% வலுவடைந்துள்ள நிலையில், ஸ்பெயின், வியட்நாம், இங்கிலாந்து, கனடா மற்றும் ஐக்கிய அரபு அமீரகம் போன்ற நாடுகளின் தலைவர்கள் சீனாவுடன் வர்த்தக ஒப்பந்தங்களை மேற்கொள்ள பீஜிங் நோக்கி விரைந்து வருகின்றனர்.

தற்போது ரஷ்யா தனது எண்ணெய் வர்த்தகத்தில் 90%-ஐ சீனா மற்றும் இந்தியாவுடன் யுவான் அல்லது உள்ளூர் கரன்சிகளில் மேற்கொள்கிறது. 

சவுதி அரேபியா, ஐக்கிய அரபு அமீரகம் போன்ற நாடுகளும் CIPS அமைப்பின் மூலம் யுவான் வர்த்தகத்தில் ஆர்வம் காட்டி வருகின்றன. கடந்த 12 மாதங்களில் யுவான் மதிப்பானது டாலருக்கு எதிராக 7% வலுவடைந்துள்ள சூழலில், டாலரைச் சார்ந்திருக்காத ஒரு புதிய உலகப் பொருளாதாரக் கட்டமைப்பு CIPS மற்றும் டிஜிட்டல் யுவான் மூலம் மிக வேகமாக உருவெடுத்து வருகிறது.

டாலர் ஒரே நாளில் மறைந்துவிடாது என்றாலும், அதன் மீதான உலக நாடுகளின் தங்கியிருப்பு குறைந்து வருவதற்கான மாற்று வழிகள் மிக வேகமாக உருவாக்கப்பட்டு வருகின்றன என்பது மட்டும் நிதர்சனம்.

Mukinthan Thurairajasingham

https://www.facebook.com/100009971290894/posts/2817194055289610/?rdid=YdS2FmLIcaFpzu0A

Disclaimer: இந்தப் பகுதி கட்டுரையாளரின் பார்வையை வெளிப்படுத்துகிறது. செய்திக்காகவும் விவாதத்திற்காகவும் இந்த தளத்தில் வெளியிடுகிறோம் – செந்தளம் செய்திப் பிரிவு