புத்துயிர் பெறும் சீன - ஐரோப்பிய ஒன்றிய உறவுகள்

ஐரோப்பிய ஒன்றியத்தின் உயர்-பிரதிநிதி/துணைத் தலைவர் பொரெல் ஏப்ரல் 1ஆம் தேதி நடந்த ஐரோப்பிய ஒன்றிய - சீன உச்சிமாநாட்டை "காது கேளாதவர்களின் உரையாடல்” என்று விளித்தார். ஆரம்பத்தில் இருந்தே, சீனாவும் ஐரோப்பிய ஒன்றியமும் ஒரு பொதுவான கருத்தொற்றுமையை எட்ட போராடின. ஐரோப்பிய ஒன்றியம்(EU) உக்ரைனில் நடந்த போரைப் பற்றி பேச விரும்பியது, சீனா விரும்பவில்லை. ஜிங்பிங் (Xi Jinping), EU கமிஷன் தலைவர் உரூசுலா(Ursula von der Leyen) மற்றும் கவுன்சில் தலைவர் சார்லஸ் மைக்கேல் (Charles Michel) ஆகியோருக்கு இடையேயான உச்சிமாநாட்டின் பிற்பகல் அமர்வில் பதினைந்து நிமிடங்களுக்குப் பிறகு, சீனர்கள் கூட்டத்தின் வாசிப்பு அறிக்கையை ஏற்கனவே வெளியிட்டிருந்தனர். ஐரோப்பிய ஒன்றியம் மற்றும் சீனா இரண்டும் சந்திப்பின் மாறுபட்ட அதிகாரப்பூர்வ அறிக்கைகளை வெளியிட்டன, பொரெல் சீனாவுடனான உறவு பற்றி முற்றிலும் நம்பிக்கையிழந்த அறிக்கையை வெளியிட்டார். ஆனால் இதிலும் இரு முத்தான அம்சங்கள் உள்ளது. முதலாவதாக, உக்ரைனில் நடந்து கொண்டிருக்கும் போருக்கு இடையே வளர்ந்து வரும் பதட்டங்கள் இருந்தபோதிலும், இருவரும் ஒரு உச்சிமாநாட்டை நடத்த முடிந்தது.

மிக முக்கியமாக, உச்சிமாநாடு ஐரோப்பிய ஒன்றியத்தின் தரப்பில் அதிக யதார்த்தத்தை வெளிப்படுத்தியுள்ளது. உக்ரைன் மீதான படையெடுப்பில் சீனா அதன் பெயரளவிலான நடுநிலை பற்றி பிரஸ்ஸல்ஸ்க்கு ஒரு எச்சரிக்கை மணி ஒலித்தது. எனவே, மோதலுக்கு மத்தியஸ்தம் செய்வதில் ஒரு பங்கை வகிக்க சீனாவை அழைப்பதில் இருந்து, ரஷ்யாவை பொருளாதார ரீதியாகவோ அல்லது இராணுவ ரீதியாகவோ ஆதரிக்க முடிவு செய்தால் அது எதிர்கொள்ளக்கூடிய சாத்தியமான விளைவுகளை சீனாவை எச்சரிப்பது வரை விரைவாக சென்றது.

மிக நீண்ட காலமாக, இரு தரப்பினரும் ஒருவருக்கொருவர் தேவைப்படுவதால், ஆபத்தான ஒத்துழைப்புக்கான இடத்தை உருவாக்க, அவ்விரு நாடுகளுக்குள் தொடரும் வேறுபாடுகள் ஓரங்கட்டப்பட்டது. அது பொருளாதார ரீதியாகவும் அரசியல் ரீதியாகவும் அவர்களுக்குள்ளான உறவு மாறவில்லை இன்னும் அவர்கள் ஒருவருக்கொருவர் தேவை. ஆனால் இப்போது ​​(அறையில் உள்ள யானையை புறக்கணிக்க முடியாது என்பது போல) கையில் உள்ள பிரச்சினைகள் கடுமையான முறையில் இருந்தாலும் தீர்க்கப்பட வேண்டியவை. தவறான நம்பிக்கைகள் மற்றும் ஏமாற்றத்துடன் தொடர்வதை விட, அத்தகைய உணர்தல் உறவை முன்னோக்கி கொண்டு செல்ல சிறந்த அடிப்படையை வழங்குகிறது.

உண்மையில் ஒரு யதார்த்த அணுகுமுறை நிலவும் என்றால், அரசியல் மற்றும் பொருளாதார ஈடுபாடு, காலநிலை மாற்றம், உணவுப் பாதுகாப்பு மற்றும் சுகாதாரம் ஆகியவற்றிற்கான சர்வதேச அளவில் ஒப்புக் கொள்ளப்பட்ட விதிகளுக்கு மதிப்பளிப்பது போன்ற பிரச்சினைகள் உரையாடல் மற்றும் கூட்டுத் தீர்வுகள் மிகவும் அவசியமானதாக இருக்கும். ஆயினும்கூட, காலநிலை மாற்றத்திற்கு எதிரான போராட்டம் போன்ற பகுதிகள் பெரும்பாலும் ஒத்துழைப்பின் ஒரு பகுதியாக குறிப்பிடப்பட்டாலும், இருவரும் பிரச்சினையை எவ்வாறு சமாளிக்க விரும்புகிறார்கள் என்பதில் குறிப்பிடத்தக்க வேறுபாடுகள் உள்ளன. எடுத்துக்காட்டாக, ஐரோப்பிய ஒன்றியத்தின் கார்பன் குறைப்பு பொறியமைப்பை சீனா அங்கீகரிக்கவில்லை, மேலும் அதன் பிரதேசத்தில் அணு மற்றும் கார்பன் ஆலைகளின் எண்ணிக்கையை உயர்த்துவதாக சமீபத்தில் அறிவித்தது, பிந்தையது சுற்றுச்சூழலுக்கு உகந்த ஆற்றல் உற்பத்தி அல்ல. தெளிவான வேறுபாடுகள் இருந்தபோதிலும், ஸ்திரமின்மை மற்றும் குழப்பம் ஆகியவையே இந்த உலகமயமாக்கப்பட்ட உலகின் புதிய விதிகளாக மாறுவதற்கு முன்பு இப்போது ஒருங்கிணைக்கப்பட்ட நடவடிக்கைகள் தேவை.

சர்வதேச சமூகம் பகிரப்பட்ட விதிகளின் புறக்கணிக்கப்பட்ட தொகுப்பை அடிப்படையாகக் கொண்டது, மேலும் இந்த விதிகள் பகிரப்பட்ட மாற்றீட்டைக் கண்டுபிடிக்காமல் எவ்வளவு சவாலுக்கு உட்படுத்தப்படுகிறதோ, அவ்வளவு கடினமாக ஐரோப்பிய ஒன்றியம் மற்றும் சீனா ஆகிய இரு நாடுகளும் ஒரு சிறந்த முறையை உருவாக்கி அதில் இருந்து பயனடைவது மிகவும் கடினம்.

சீனா தனக்கு பாதகம் விளைவிக்கும் வெளியுறவுக் கொள்கைக்கு அதிகம் பழக்கப்பட்டதில்லை, ஏனெனில் வெளியுறவு நாடுகள் சீனாவின் மீது பாரங்களை சுமத்த பயப்படுகிறார்கள், மேலும் ஒரு பகுதியாக சீனா பெரும்பாலும் சட்டங்களுக்கு இடையேயான எல்லையில் இயங்குகிறது. ஜெர்மனி போன்ற நட்பு நாடுகளும் கூட ஐரோப்பிய நலன்களை அச்சுறுத்தும் போது சீனா மீது செலவுகளை சுமத்த வேண்டியதன் அவசியத்திற்கு வருவதால் அது இப்போது மாற வாய்ப்புள்ளது. நாடுகளுக்கு இடையிலான பொருளாதார மற்றும் அரசியல் பரிமாற்றங்களை எவ்வாறு ஒழுங்குபடுத்துவது என்பதை ஐரோப்பிய ஒன்றியம் மற்றும் பிற நாடுகளுடன் சீனா தீவிரமாக விவாதிக்கவில்லை என்றால், அது ஐரோப்பிய ஒன்றியத்தைப் போல அதிக விலை கொடுக்க வேண்டும். ஐரோப்பிய ஒன்றியத்தைப் பொறுத்தவரை, அது அதிகார அரசியலுக்குப் பழக்கப்பட்டதில்லை. நிச்சயமாக, ஐரோப்பிய ஒன்றியம் இந்த விஷயங்களில் சீனாவை தீவிரமாக ஈடுபடுத்த வேண்டும், அதே சமயம் மீறல்கள் ஏற்பட்டால் தகுந்த செலவுகளை அதன் மீது சுமத்த தயாராக இருக்க வேண்டும், அது சம்பந்தமாக ஐரோப்பிய ஒன்றியம் நீண்ட காலமாக சீனாவுடனான உறவு என்று வரும்போது நம்பகத்தன்மையின் சிக்கலைக் கொண்டுள்ளது. ஒரு கொள்கைக்காக அல்ல, பிழைப்புக்காக. உச்சிமாநாட்டின் தொனி ஒரு நல்ல தொடக்க புள்ளியாக இருந்தது, இப்போது அது உச்சநிலைக்கு விட்டுவிடாமல் அந்த தொனியை பராமரிக்க முடியும் என்பதைக் காட்ட வேண்டும் மற்றும் செயல்கள் வார்த்தைகளைப் பின்பற்றுவதை உறுதிசெய்ய வேண்டும். வெளிப்படையாக, சீனா ஐரோப்பிய ஒன்றியத்திற்கு ஒப்பீட்டளவில் நேர்மறையான அணுகுமுறையை உச்சிமாநாட்டின் போது ஏற்றுக்கொண்டது, மேலும் சீன அறிஞர்கள் ஐரோப்பிய ஒன்றிய-சீனா உறவுகளின் எதிர்காலத்தை உருவாக்குவதற்கு மிகவும் சாதகமான அணுகுமுறையை ஊக்குவித்து வருகின்றனர். ஐரோப்பியர்கள் இந்த புதுப்பிக்கப்பட்ட நட்புறவிற்கு வழிவகுக்கும் காரணங்களைப் பற்றிய தெளிவான புரிதலைக் கொண்டால், இது ஒரு பயனுள்ள வாய்ப்பை வழங்கும்.

இந்த காரணங்கள் உடனடியாக நினைவுக்கு வருகின்றன. ஒன்று, பொருளாதார ஸ்திரத்தன்மை. கோவிட்-19 இன் புதிய அலை, உக்ரைனில் போர் மற்றும் ரஷ்யா மீதான பொருளாதாரத் தடைகளின் தாக்கம் ஆகியவை சீனாவுக்கு மேம்பட்ட பொருளாதார உறுதியற்ற தன்மையைக் கொண்டு வரக்கூடும். லீ கேக்கியாங் (Li Keqiang) கடந்த மாதத்தில் மூன்று முறை பிரச்சனையான சூழ்நிலை குறித்து எச்சரிக்கை விடுத்துள்ளார். சீனாவின் பொருளாதார ஸ்திரத்தன்மையில் ஐரோப்பிய ஒன்றியம் ஏற்றுமதிக்கான இடமாகவும், நாட்டில் பெரிய முதலீட்டாளராகவும் முக்கிய பங்கு வகிக்கிறது. எனவே சீனாவுடன் நேர்மறையான ஈடுபாட்டை வைத்திருப்பது முக்கியம். இரண்டாவதாக, சீனாவை நோக்கிய ஐரோப்பிய ஒன்றியத்தின் எதிர்மறையான நிலைப்பாடுகள் அமெரிக்க செல்வாக்கின் விளைவு என்ற கருத்தின் அடிப்படையில் - உண்மையில் ஐரோப்பிய ஒன்றியமும் தன்னளவில் எதிர்மறையான நிலைப்பாடே கொண்டுள்ளது -  ஐரோப்பிய ஒன்றியத்தையே அமெரிக்காவிலிருந்து விலக்கி வைக்க சீனா இன்னும் முயல்கிறது. எனவே, அது ஐரோப்பிய ஒன்றியத்துடன் நேர்மறையான உறவை வளர்க்க முயற்சிக்கிறது. மூன்று, ஒரு குறிப்பிட்ட அளவிற்கு சீனா இன்னும் ஐரோப்பிய ஒன்றியத்துடன் உடன்படுவதற்கு போராடி வருகிறது, அது பெரும்பாலும் சீனாவுடனான பொருளாதார உறவுகளில் இருந்து - மற்றும் உலகத்துடன் - மிகவும் அரசியல் மற்றும் புவிசார் அரசியல் நாடகமாடுகிறது. அதாவது, அந்த உறவை அந்த முந்தைய நிலைக்கு மீட்டமைக்க அது இன்னும் முயற்சிக்கிறது, இருப்பினும் அது எவ்வளவு நம்பத்தகாதது என்பதை அதிகளவில் உணர்ந்து வருகிறது. ஒரு சாத்தியமான நான்காவது காரணம் என்னவென்றால், மேற்பரப்பில் இருந்தாலும் கூட, காலநிலை மாற்றம் போன்ற உலகளாவிய விஷயங்களில் ஒத்துழைக்க வேண்டியதன் அவசியத்தால் நட்பு உந்தப்படுகிறது. இது சம்பந்தமாக, சீனா அமெரிக்காவை விட ஐரோப்பிய ஒன்றியத்தை மிகவும் நட்பாகப் பார்க்கிறது, இதனால் சீனா குறிப்பிடத்தக்க தியாகங்களைச் செய்யத் தேவையில்லை எனில் உறவை சரிசெய்ய முயற்சிக்கும்.

உச்சிமாநாடு மற்றும் இரு தரப்பினரைச் சுற்றி வளரும் சூழல் ஆகியவை ஐரோப்பிய ஒன்றிய-சீனா உறவுகளில் முன்னோக்கி செல்லும் பாதையைக் காட்டியுள்ளன, இது உறவின் மிகவும் யதார்த்தமான மதிப்பீட்டால் ஆதிக்கம் செலுத்தப்படும், எனவே ஒத்துழைப்பிற்கான சில வரையறுக்கப்பட்ட இடங்களுடன் அதிக கருத்து வேறுபாடு மற்றும் உராய்வு. எவ்வாறாயினும், நடைமுறை விஷயங்களில் இது எவ்வாறு சரியாக இருக்கும் என்பது தெளிவாகத் தெரியவில்லை, மேலும் "செவிடன்" இல்லாத எதிர்கால உரையாடல்களில் ஈடுபட இரு தரப்பினரின் விருப்பத்தைப் பொறுத்து பெரும் செலவுகளை இரு நாடுகளும் தாங்கும்.

- மருதன்

(தமிழில்)

மூலக்கட்டுரை: https://www.chinausfocus.com/foreign-policy/a-renaissance-of-realism-in-eu-china-relations