புதிய காலனியத்தை வளர்த்தெடுப்பதில் அரசு சாரா தொண்டு நிறுவனங்களின்(NGO) பாத்திரம்

ஆக்ஸ்பாம், கிரீன்பீஸ் மற்றும் அம்னஸ்டி இன்டர்நேஷனல் என உண்மையில் ஆயிரக்கணக்கான என்ஜிஓக்கள் உள்ளன. NGOக்கள் முதன்மையாக ஒரு நவீனகால நிகழ்வாக இருப்பினும் இவைகளின் தொடக்கப்புள்ளியான இளைஞர்களின் கிறித்துவ கழகங்களின் (Young Men’s Christian Association - YMCA) உலகக் கூட்டணி 1855 இல் நிறுவப்பட்டது, மேலும் செஞ்சிலுவைச் சங்கத்திற்கான சர்வதேசக் குழு 1863இல் உருவானது. ஒரு மதிப்பீட்டின்படி, சுமார் 40,000 அமைப்புகள் தற்போது சர்வதேச தன்னார்வ தொண்டு நிறுவனங்களாக (பல நாடுகளில் திட்டங்கள் மற்றும் துணை நிறுவனங்களுடன்) தகுதி பெற்றுள்ளன - ஒரு நூற்றாண்டுக்கு முன்பு இதே எண்ணிக்கை 400க்கும் குறைவாக இருந்தது. அரசியல் விஞ்ஞானிகள் என்ஜிஓக்களை "அழுத்தக் குழுக்கள்" அல்லது "லாபி குழுக்கள்" என்று குறிப்பிடுகின்றனர். சர்வதேச உறவுகள் துறையில், அறிஞர்கள் இப்போது தன்னார்வ தொண்டு நிறுவனங்களை "அரசல்லாத நடிகர்கள்" (நாடுகடந்த நிறுவனங்கள் போன்றவை) என்று பேசுகின்றனர். சமீபத்திய ஆண்டுகளில், அவர்கள் வெற்றிகரமாக புதிய சுற்றுச்சூழல் ஒப்பந்தங்களை ஊக்குவித்துள்ளனர், பெண்களின் உரிமைகளை பெரிதும் வலுப்படுத்தியுள்ளனர், மேலும் முக்கியமான ஆயுதக் கட்டுப்பாடு மற்றும் ஆயுதக் குறைப்பு நடவடிக்கைகளை வென்றுள்ளனர். NGO-களின் தொடர் சுற்றுப்புறச் சூழல் நடவடிக்கைகள் 1987 ஆம் ஆண்டு ஓசோன் படலத்தை தகற்கும் பொருள்கள் குறித்த மாண்ட்ரீல் நெறிமுறையை உலக நாடுகள் ஏற்றுக்கொள்ளச் செய்தது. NGO கூட்டணியான நிலச் சுரங்கங்களைத் தடை செய்வதற்கான சர்வதேசப் பிரச்சார அமைப்பே 1997 ஆம் ஆண்டு சுரங்கத் தடை ஒப்பந்தம் உருவானதற்க்கான முக்கிய காரணி ஆகும். 1998 ஆம் ஆண்டு ரோம் உடன்படிக்கையை உலக நாடுகள் ஏற்றுக்கொள்வதற்கு சர்வதேசத்திற்கான குற்றவியல் நீதிமன்றம் இன்றியமையாததாக இருந்தது மற்றும் மற்றொரு NGO அணிதிரட்டல் 1998 இல் பன்னாட்டு முதலீடுகள் மீதான பலதரப்பு ஒப்பந்தத்திற்கான இரகசிய பேச்சுவார்த்தைகளை கைவிடுமாறு அரசாங்கங்களை கட்டாயப்படுத்தியது. 1990 களின் பிற்பகுதியில், ஐ.நா பாதுகாப்பு கவுன்சிலில் NGO பணிக்குழு ஒரு முக்கியமான இடைநிலைக்குழுவாக உருவெடுத்தது. ஐ.நா.வின் மிகவும் சக்திவாய்ந்த அமைப்பில், ஜூபிலி 2000 பிரச்சாரம் ஏழை நாடுகளின் கடன் பற்றிய சிந்தனையையும் கொள்கையையும் மாற்றியது. அதே நேரத்தில், உலக வர்த்தக அமைப்பு, சர்வதேச நாணய நிதியம் மற்றும் உலக வங்கி ஆகியவற்றிடம் இருந்து, அதிக அளவில் செல்வாக்கு பெற்ற ஒரு சர்வதேச தன்னார்வ தொண்டு நிறுவனம், நியாயமான பொருளாதாரக் கொள்கைகளைக் கோரியது. ஆனால் பெரிய வல்லரசுகள், குறிப்பாக அமெரிக்கா, அத்தகைய ஒப்பந்தம் அனைத்தையும் புறக்கணிக்கின்றன. அரசாங்கங்கள் தன்னார்வ தொண்டு நிறுவனங்களுக்கு நிதியுதவி செய்கின்றன மற்றும் அமைதியின்மையை ஊக்குவிப்பது மற்றும் சட்டபூர்வமான அரசாங்கங்களை கவிழ்ப்பது போன்ற சட்டவிரோதமான நலன்களை பாதுகாக்க அவற்றைப் பயன்படுத்துகின்றன, (கீழே விவாதிக்கப்பட்டது). தன்னார்வ தொண்டு நிறுவனங்கள் கட்டமைப்பு ரீதியாக ஜனநாயகமற்றவை மற்றும் பொறுப்பற்றவை. அவைகளில் அதிகாரிகள் தேர்ந்தெடுக்கப்படுவதில்லை. வால் ஸ்ட்ரீட் கார்ப்பரேஷன்களின் தலைவர்கள் எப்படி அவைகளின் இயக்குநர்கள் குழுக்களுக்கு சம்பிரதாயத்திற்கு கீழ்படிவார்களோ, அப்படியே இந்த NGO-களின் தலைவர்களும் செயபடுகிறார்கள்.

நிதியுதவி

1990 களில், அகதிகளுக்கான ஐ.நா. உயர் ஸ்தானிகர், மனிதாபிமான உதவிக்கான நிதியை பலதரப்பு நிறுவனங்களுக்கு வழங்காமல், அரசாங்கங்கள் தங்கள் சொந்த தேசிய தன்னார்வ தொண்டு நிறுவனங்களுக்கு அதிகளவில் அனுப்புவதாக எச்சரிக்கை விடுத்தார். என்ஜிஓக்கள் ஒரு தனியார் நிறுவனத்தைப் போலவே தயாரிப்புகள் அல்லது சேவைகளை விற்கின்றன. ஓய்வுபெற்ற நபர்களின் அமெரிக்க சங்கம் (AARP) இந்தப் போக்கிற்கு ஒரு தீவிர உதாரணம். 1996 ஆம் ஆண்டில், துணை சுகாதார காப்பீட்டுக்கான மொத்த வருவாயில் $3.8 பில்லியன்கள் மற்றும் $13.7 பில்லியன் சொத்துக்களுடன் ஒன்பது பரஸ்பர நிதிகளையும் தன்னகத்தே கொண்டு செயல்படுகிறது.

இராஜதந்திர பங்கு

ஐ.நா.வில் குரல் கொடுப்பதற்கான என்ஜிஓக்களின் உரிமைகள் ஐ.நா. சாசனத்தின் 71 வது பிரிவின் மூலம் உத்தரவாதம் அளிக்கப்படுகிறது மற்றும் பல அடுத்தடுத்த முடிவுகளால் உறுதிப்படுத்தப்பட்டுள்ளது. 2000 ஆம் ஆண்டளவில், சுமார் 2,500 தன்னார்வ தொண்டு நிறுவனங்கள் ஐநாவுடன் ஆலோசனை கூறும் அந்தஸ்தைப் பெற்றன. 1992 இல் ரியோவில் நடந்த பூமி உச்சி மாநாட்டில் 1400 NGOS நேரடியாக பங்கெடுத்தது. பெய்ஜிங்கில் செப்டம்பர் 1995 இல் பெண்கள் மீதான நான்காவது உலக மாநாடு 2,600 அரசு சாரா அமைப்புகளுக்கு இடையேயான பேச்சுவார்த்தைகளில் ஈடுபட்டது. மலேஷியாவை தளமாகக் கொண்ட மூன்றாம் உலக வலையமைப்பு (Third World Network), மிகவும் பரந்த அளவிலான கொள்கைச் சிக்கல்களை நிவர்த்தி செய்யும் பணியில் இருப்பது தற்கால உதாரணம். மற்றவைகள் பிலிப்பைன்ஸை தளமாகக் கொண்ட ஃப்ரீடம் ஃப்ரம் டெப்ட் கூட்டணி மற்றும் சுற்றுச்சூழல் மற்றும் மேம்பாட்டுக்கான ஜெர்மன் என்ஜிஓ நெட்வொர்க், பயன்பாட்டு ஆராய்ச்சி நெறிமுறைகள் தேசிய சங்கம் (Applied Research Ethics National Association - ARENA) போன்ற பிராந்திய நெட்வொர்க்குகள், புதிய முயற்சிகளுக்கான ஆசிய பிராந்திய பரிமாற்றம் அல்லது அமெரிக்காவின் பழங்குடி பெண்களின் கான்டினென்டல் நெட்வொர்க், அல்லது AFRODAD, ஆப்பிரிக்க கடன் மற்றும் மேம்பாடு நெட்வொர்க் போன்றவை. இந்தியாவில், நுகர்வோர் மற்றும் அறக்கட்டளை சங்கம் மற்றும் அறிவியல் மற்றும் சுற்றுச்சூழல் மையம் ஆகியவை மிகவும் முக்கியமானவை. ஒசாமா பின்லேடனுக்கு எதிராக ஒரு சர்வதேச வழக்கு நிறுவப்பட்டதா என்பது சட்டத்தின் துறையில் வேறு விஷயம். ஆனால் ஒரு தன்னார்வ தொண்டு நிறுவனம் மூலம்தான் அவர் இருக்கும் இடம் கண்டுபிடிக்கப்பட்டது.

அரபு வசந்தம் மற்றும் பிற வசந்தங்கள்:

டிசம்பர் 2012 இல், எகிப்திய வழக்குரைஞர்களும் காவல்துறையினரும் பல குழுக்களின் அலுவலகங்களை சோதனையிட்டனர், அவை தங்களை "ஜனநாயக சார்பு" என்ஜிஓக்கள் என்று அழைத்துக்கொண்டன. அவர்களில் நான்கு பேர் அமெரிக்க அரசு நிறுவனங்களைச் சார்ந்தவர்கள். நாற்பத்து மூன்று பேர், அவர்களில் 16 அமெரிக்கக் குடிமக்கள், அரசாங்கத்தில் பதிவு செய்யத் தவறியது மட்டுமின்றி, ஏப்ரல் 6-ம் தேதி நடந்த எதிர்ப்பு இயக்கத்திற்கு சட்டவிரோத நிதி மூலம் நிதியுதவி செய்ததாகவும் குற்றம் சாட்டப்பட்டனர். கெய்ரோவிற்கு உயர்மட்டக் குழுவை அனுப்பிய அமெரிக்கா, அமெரிக்க குடிமக்கள் மீது விசாரணை நடத்தப்பட்டால் $1.3 பில்லியன் வரையிலான இராணுவ மற்றும் $250 மில்லியன் பொருளாதார உதவிகளை நிறுத்துவதாக அச்சுறுத்தியது. அவர்களில் ஒருவர் ஒபாமாவின் போக்குவரத்து செயலாளரின் மகன் சாம் லாஹூட். சாம் உட்பட ஏழு பேருக்கு பயணக் கட்டுப்பாடுகள் விதிக்கப்பட்டன. ஏழு பேரைத் தவிர மற்ற அனைவரும் வழக்கின் முதல் நாளே நாட்டை விட்டு ஓடிவிட்டனர். அவர்கள் நீதிமன்றத்திற்குச் செல்லக்கூட முன்வரவில்லை. பயணத்திற்கான தடை விரைவில் நீக்கப்பட்டது, மேலும் ஒரு அமெரிக்க இராணுவ விமானம் அவர்களுடன் புறப்பட்டது. தடை நீக்கப்பட்ட ஒரு நாள் கழித்து, ஒரு இராணுவ விமானம் மீதமுள்ள ஏழு அமெரிக்க குடிமக்களை அகற்றியது. அமெரிக்கா எகிப்திய நீதிமன்றங்களுக்கு $5 மில்லியன் ஜாமீன் வழங்கியது. சர்வதேச சமூகம், அமெரிக்காவையும் அதன் முகவர்களையும் குற்றம் சாட்டுவதற்குப் பதிலாக, அரசியல் மற்றும் ஜனநாயக சீர்திருத்தத்தின் மெதுவான வேகத்தில் இருந்து கவனத்தைத் திசைதிருப்பும் வகையில், எகிப்திய இராணுவம் வெளிநாட்டு தலையீடு மிகவும் சித்தப்பிரமை கொண்டிருப்பதாக குற்றம் சாட்டியது. மேலைய செய்தி ஊடகங்கள் வாய்மூடி இருந்தன. நாற்பத்து மூன்று பிரதிவாதிகள் நான்கு அமெரிக்க சார்பு நிறுவனங்களில் பணிபுரிந்தனர்; சுதந்திர மாளிகை; தேசிய ஜனநாயக நிறுவனம் (NDI); சர்வதேச குடியரசு நிறுவனம் (IRI); பத்திரிக்கையாளர்களுக்கான சர்வதேச மையம் (ICFJ) மற்றும் கொன்ராட் அடினாவர் ஸ்டிஃப்டுங். ICFJ ஒரு அரசாங்கத்திடம் இருந்து நேரடியாகவோ அல்லது மறைமுகமாகவோ பெரும்பான்மையான நிதியைப் பெறுவதில்லை. மேட்லைன் ஆல்பிரைட், ஒரு ஜனநாயகவாதி மற்றும் முன்னாள் அமெரிக்க வெளியுறவுத்துறை செயலர் NDI இன் தலைவராக உள்ளார், மேலும் IRI க்கு முன்னாள் குடியரசுக் கட்சியின் ஜனாதிபதி வேட்பாளரான செனட்டர் ஜான் மெக்கெய்ன் தலைமை தாங்குகிறார். NDI மற்றும் IRI, US Chamber of Commerce ஐப் பிரதிநிதித்துவப்படுத்தும் சர்வதேச தனியார் நிறுவனத்திற்கான மையம் மற்றும் AFL-CIO இன் ஒற்றுமை மையம் ஆகியவை ஜனநாயகத்திற்கான தேசிய அறக்கட்டளை (National Endowment for Democracy - NED) போன்ற நான்கு "முக்கிய நிறுவனங்களை" உருவாக்குகின்றன. NED அதன் ஆண்டு பட்ஜெட்டில் 90 சதவீதத்திற்கும் அதிகமான தொகையை அமெரிக்க அரசாங்கத்திடம் இருந்து பெறுகிறது. ஃப்ரீடம் ஹவுஸ் தனது பெரும்பாலான நிதியை NED இலிருந்து வழக்கமாகப் பெறுகிறது. கிறிஸ்டியன் டெமாக்ரடிக் யூனியனுடன் தொடர்புடைய கொன்ராட் அடினாவர் ஸ்டிஃப்டுங், ஜேர்மன் அரசாங்கத்திடம் இருந்து அதன் 90 சதவீத நிதியைப் பெறுகிறது. இந்த ஐவரில் எதையும் அரசு சாரா நிறுவனங்கள் என்று வரையறுக்க முடியாது. ஃப்ரீடம் ஹவுஸ் சுதந்திர சந்தைகள் மற்றும் அமெரிக்க வெளியுறவுக் கொள்கை நலன்களை ஆதரிக்கிறது. 2011 இல், வெனிசுலா மக்களுக்கு ஈராக்கியர்களுக்கு இணையான அரசியல் உரிமைகள் இருப்பதாகக் கூறியது!!!

அமெரிக்காவில் படித்த கோடீஸ்வரர் Gonzalo Sanchez de Losada ஒரு பெரிய தனியார்மயமாக்கல் திட்டத்தை தொடங்கினார். பொலிவியர்கள் எதிர்ப்பு தெரிவித்தனர். கோன்சாலோ அதிகாரத்தில் இருந்து நீக்கப்பட்டார். பொலிவியாவின் நிலை ‘சுதந்திரம்’ என்பதில் இருந்து ‘பகுதி சுதந்தரம்’ என்று குறைக்கப்பட்டது. பூர்வீக பெரும்பான்மையினரின் உரிமைகளை அங்கீகரித்த முதல் அரசாங்கத்தை அது பெற்றிருந்தாலும், பொலிவியா இன்னும் ‘ஓரளவு சுதந்திர நாடு’ என்றுதான் மதிப்பிடப்படுகிறது மற்றும் 1965 இல் நடந்த முதல் தேர்தல்களில் இருந்து ஒரு கட்சி (BDP) ஆட்சியில் இருந்த போட்ஸ்வானாவை விட குறைவாக மதிப்பிடப்படுகிறது. 

1996 ஆம் ஆண்டு பைனான்சியல் டைம்ஸ் கட்டுரை, ஈரானில் "இரகசிய நடவடிக்கைகளுக்கு" நிதியுதவி பெற அமெரிக்க வெளியுறவுத்துறையால் தேர்ந்தெடுக்கப்பட்ட பல அமைப்புகளில் ஃப்ரீடம் ஹவுஸும் ஒன்று என்பதை வெளிப்படுத்தியது. ஆட்சி மாற்றம் கோரும் குழுக்களுக்கு பயிற்சியும் நிதியுதவியும் வழங்கப்பட்டது. மேலும் ஐஆர்ஐ மற்றும் என்டிஐ ஆகியவையே மேற்குறிப்பிடப்பட்ட ஐந்து அமைப்புகளில் மிகவும் மோசமானவை. அவர்கள் "அரசியல் கட்சிகள், தேர்தல் செயல்முறைகள் மற்றும் நிறுவனங்கள், சுதந்திர தொழிற்சங்கங்கள் மற்றும் சுதந்திர சந்தைகள் மற்றும் வணிக நிறுவனங்களை வளர்ப்பதற்காக வெளிநாட்டில் வேலை செய்வதற்கு" NED மானியங்களைப் பெறுகிறார்கள். மார்ச் 6 அன்று, அமெரிக்க சிவில் சொசைட்டி அமைப்புகளால் வாஷிங்டனில் உள்ள NED அலுவலகங்களில் “எங்கும் ஜனநாயகத்தின் மீது தாக்குதல் நடத்தக்கூடாது! NED ஐ மூடு.” ஆகிய கோரிக்கைகளுடன் ஒரு எதிர்ப்பு அணிவகுப்பு நடத்தப்பட்டது: தொழிற்சங்க உறுப்பினர்கள் மற்றும் தொழிலாளர் ஆர்வலர்கள் பல ஆண்டுகளாக எதிர்ப்பு மற்றும் பிரச்சாரத்தில் ஈடுபட்டுள்ளனர், AFL-CIO இன் ஒற்றுமை மையம் NED உடனான அனைத்து உறவுகளையும் முறித்துக் கொள்ள வேண்டும் என்று கோருகிறது.

சுழலும் கதவுகள்:

ஜனநாயகக் கட்சியின் முன்னாள் பிரதிநிதி ரிச்சர்ட் கெபார்ட் - இப்போது அவரது சொந்த கார்ப்பரேட் ஆலோசனை மற்றும் பரப்புரை நிறுவனத்தின் தலைமை செயலதிகாரியாக உள்ளார்- தலைமையில் NED இன் இயக்குநர்கள் குழுவில் தற்போது ஜான் ஏ. போன், முன்னாள் உயர் மட்ட சர்வதேச வங்கியாளரும் மற்றும் மூடிஸ் இன்வெஸ்டர்ஸ் சர்வீஸின் முன்னாள் தலைமை செயல் அலுவலர் (CEO) (இவர் இப்போது கமிஷனராக உள்ளார்), கலிபோர்னியா பொது பயன்பாட்டு ஆணையம் மற்றும் பெட்ரோ கெமிக்கல்களுக்கான இணைய அடிப்படையிலான வர்த்தக பரிமாற்றத்தின் நிர்வாகத் தலைவர். கென்னத் டுபெர்ஸ்டீன், முன்னாள் வெள்ளை மாளிகையின் துணைத் தலைவர் ரீகனின் கீழ், இப்போது அவரது சொந்த பெருநிறுவன லாபியிங் நிறுவனத்தின் தலைவர் மற்றும் CEO. மார்ட்டின் ஃப்ரோஸ்ட் (ஒரு முன்னாள் காங்கிரஸ்காரர் ஆவார்), அவர் சிட்டிகுரூப் நிவாரணச் சட்டம் என்றழைக்கப்படும் 1999 கிராம்-லீச்-பிளைலி சட்டத்தை எழுதுவதில் ஈடுபட்டார், மேலும் அமெரிக்க மரைன் கார்ப்ஸ் மூத்தவர் லியோ ஸ்ட்ராஸின் முன்னாள் மாணவர் வில்லியம் கால்ஸ்டன் ஆகியோரும் உள்ளனர்.

புதிய அமெரிக்க நூற்றாண்டுக்கான தீவிர பழமைவாத சிந்தனைக் குழு திட்டத்தின் நிறுவன உறுப்பினர்களில் நான்கு பேரையும் வாரியம் கொண்டுள்ளது: பிரான்சிஸ் ஃபுக்யாமா (தி எண்ட் ஆஃப் ஹிஸ்டரியின் ஆசிரியர்); வில் மார்ஷல் (புதிய ஜனநாயகக் கட்சியின் நிறுவனர், ஜனநாயகக் கட்சியின் கொள்கைகளை வலது பக்கம் நகர்த்துவதை நோக்கமாகக் கொண்ட அமைப்பு); முன்னாள் காங்கிரஸ்காரர் வின் வெபர் (அவர் ஹவுஸ் பேங்கிங் ஊழலின் விளைவாக 1992 இல் ஓய்வு பெற்றார் மற்றும் இப்போது ஒரு பெருநிறுவன லாபியிங் நிறுவனத்தின் நிர்வாகப் பங்காளியாக உள்ளார்); மற்றும் ஜார்ஜ் புஷ் ஜூனியரின் கீழ், ஈராக், ஆப்கானிஸ்தான் மற்றும் ஐ.நா.வுக்கான அமெரிக்க தூதராக பணியாற்றிய சல்மே கலீல்சாத். அவர் இப்போது தனது சொந்த சர்வதேச கார்ப்பரேட் ஆலோசனை நிறுவனத்தின் தலைவர் மற்றும் தலைமை நிர்வாக அதிகாரியாக உள்ளார், இது வாடிக்கையாளர்களுக்கு முக்கியமாக ஆற்றல், கட்டுமானம், கல்வி மற்றும் உள்கட்டமைப்பு துறைகளில் ஆலோசனை வழங்குகிறது-மத்திய கிழக்கில், குறிப்பாக ஈராக் மற்றும் ஆப்கானிஸ்தானில் வணிகம் செய்ய விரும்புகிறது.

NED 1983 இல் நிறுவப்பட்டது, வாஷிங்டன் இரகசிய இராணுவ நடவடிக்கைகள் மற்றும் மத்திய மற்றும் தென் அமெரிக்காவில் துணை ராணுவப் படைகள் மற்றும் கொலைப் படைகளுக்கு பயிற்சி மற்றும் நிதியுதவி தொடர்பான பல சர்ச்சைகளில் சிக்கியது. உலகெங்கிலும் உள்ள சாதகமற்ற ஆட்சிகளுக்கு எதிராக எதிர்க் குழுக்களுக்கு நிதிகளை அனுப்ப அமெரிக்க அரசாங்கத்திற்கு ஒரு திறந்த மற்றும் சட்டப்பூர்வ வழியை உருவாக்க இது உருவாக்கப்பட்டது, இதனால் அமெரிக்க மத்திய புலனாய்வு முகமை (Central Intelligence Agency - CIA) இரகசிய நிதியுதவியுடன் தொடர்புடைய அரசியல் களங்கம் நீக்கப்பட்டது. 1991 வாஷிங்டன் போஸ்ட் கட்டுரையில், “வெள்ளந்தியான வெளியுலகம்: உளவாலிகளற்ற சதிகளின் புதிய உலகம்,” ஆலன் வெய்ன்ஸ்டீன் (NED ஐ நிறுவிய சட்டத்தை உருவாக்க உதவியவர்) பின்வருமாரு அறிவித்தார்:

“இன்று நாம் [NED] என்ன செய்கிறோம் என்பது இருபத்தைந்து ஆண்டுகளுக்கு முன்பு CIA ஆல் இரகசியமாக செய்யப்பட்டது.”

1996 ஆம் ஆண்டில், ஹெரிடேஜ் அறக்கட்டளை தொடர்ந்து காங்கிரஸின் நிதியுதவியைப் பாதுகாப்பதற்காக ஒரு கட்டுரையை வெளியிட்டது,

“சர்வதேச கருத்துப் போரில் NED ஒரு மதிப்புமிக்க ஆயுதம். உலகின் தந்திரோபாய முக்கியத்துவம் வாய்ந்த பகுதிகளில் அமெரிக்காவுடன் நட்புறவு கொண்ட நிலையான ஜனநாயக நாடுகளின் வளர்ச்சியை ஊக்குவிப்பதன் மூலம் இது அமெரிக்க தேசிய நலன்களை மேம்படுத்துகிறது. வெளியுறவுக் கொள்கையின் அத்தகைய பயனுள்ள கருவியை அமெரிக்கா நிராகரிக்க முடியாது. பனிப்போர் முடிவுக்கு வந்தாலும், உலகளாவிய கருத்துப் போர் தொடர்ந்து கொதித்தெழுகிறது.”

கியூபா மற்றும் சீனா போன்ற மாநிலங்களில் ஆட்சி சீர்குலைவு பிரச்சாரங்களை நடத்துவதோடு, NED மீண்டும் மீண்டும் தேர்தல்களில் செல்வாக்கு செலுத்துவதிலும் இடதுசாரி மற்றும் அமெரிக்க எதிர்ப்பு அரசாங்கங்களை கவிழ்ப்பதிலும் ஈடுபட்டுள்ளது. உலகம் முழுவதும் உள்ள ஜனநாயக ஆட்சிகள். எதிர்க்கட்சி குழுக்கள், அரசியல் கட்சிகள், பத்திரிகையாளர்கள் மற்றும் ஊடக நிறுவனங்களுக்கு நிதி மற்றும்/அல்லது பயிற்சி மற்றும் தந்திரோபாய ஆலோசனைகளை வழங்குவதன் மூலம் இது அடையப்படுகிறது. கேட்டோ இன்ஸ்டிடியூட்டின் பார்பரா கான்ரி (Barbara Conry) எழுதியது போல்,

“எண்டோமென்ட் மூலம், அமெரிக்க வரி செலுத்துவோர், நட்பு நாடுகளின் முறையாக தேர்ந்தெடுக்கப்பட்ட அரசாங்கங்களை துன்புறுத்துவதற்கும், வெளிநாட்டு தேர்தல்களில் தலையிடுவதற்கும், ஜனநாயக இயக்கங்களின் ஊழலை வளர்ப்பதற்கும் சிறப்பு வட்டி குழுக்களுக்கு பணம் செலுத்தியுள்ளனர்”.

1986 முதல் 1988 வரை, ஜனநாயக கோஸ்டாரிகாவில் அமைதிக்கான நோபல் பரிசு வென்ற ஜனாதிபதி ஆஸ்கார் அரியாஸுக்கு எதிரான வலதுசாரி அரசியல் வளர்ச்சிக்கு NED நிதியளித்தது, ஏனெனில் அவர் மத்திய அமெரிக்காவில் ரீகனின் வன்முறைக் கொள்கைகளை வெளிப்படையாக விமர்சித்தார். 1980 களில், பிரான்சில் ஃபிராங்கோயிஸ் மித்திரோனின் தேர்ந்தெடுக்கப்பட்ட சோசலிச அரசாங்கத்தின் கீழ் ஏற்பட்டதாகக் கருதப்படும் கம்யூனிச செல்வாக்கின் எழுச்சி காரணமாக "ஜனநாயகத்தைப் பாதுகாப்பதில்" NED தீவிரமாக இருந்தது. 1990 இல், நிகரகுவாவில் நடந்த தேர்தலில் வலதுசாரி குழுக்களுக்கு நிதி மற்றும் ஆதரவை NED வழங்கியது. அதில் டேனியல் ஒர்டேகா மற்றும் சாண்டினிஸ்டாஸ் ஆகியோர் அதிகாரத்தில் இருந்து அகற்றப்பட்டனர், இதை "பாரிய வெளிநாட்டு தலையீடுகள் உள்நாட்டில் உள்ள அரசியல் செயல்முறையை முற்றிலுமாக சிதைத்து, சுதந்திரமான தேர்வாக இருக்கும் தேர்தல்களின் திறனைக் குறைமதிப்பிற்கு உட்படுத்தியது.” என்று விமர்சித்தார் பேராசிரியர் வில்லியம் I. ராபின்சன்.

1990 களின் பிற்பகுதியில், முற்போக்கான முன்னாள் ஜனாதிபதி மற்றும் ஜனநாயக ரீதியாக தேர்ந்தெடுக்கப்பட்ட ஹைட்டியின் முதல் தலைவரான ஜீன்-பெர்ட்ராண்ட் அரிஸ்டைட்டின் தேர்தல் பிரச்சாரத்திற்கு எதிராக அமெரிக்க ஆதரவுடன் வலதுசாரி எதிர்ப்பிற்கு NED நிதி மற்றும் ஆதரவை வழங்கியது. 2004 ஆம் ஆண்டில் இரண்டாவது முறையாக அரிஸ்டைடை அதிகாரத்தில் இருந்து ஒரு சதி நீக்கம் செய்த போது, ​​NED அவரை வெளியேற்றுவதில் ஈடுபட்ட முக்கிய அமைப்புகளுக்கு நிதி மற்றும் தந்திரோபாய ஆலோசனைகளை வழங்கியது தெரியவந்தது.

2002 ஆம் ஆண்டு வெனிசுலாவில் ஜனாதிபதி ஹியூகோ சாவேஸுக்கு எதிரான சதி முயற்சியில் NED இன் ஈடுபாடு நன்கு ஆராயப்பட்டு ஆவணப்படுத்தப்பட்டுள்ளது. எனினும், ஆட்சி கவிழ்ப்பு நடந்த உடனேயே, ஐஆர்ஐயின் அப்போதைய தலைவர் ஜார்ஜ் ஃபோல்சம், சாவேஸின் வெளியேற்றத்தைக் கொண்டாடும் ஒரு செய்திக்குறிப்பை அனுப்பியபோது, ​​இந்த முயற்சியில் நிறுவனத்தின் பங்கை வெளிப்படுத்தினார்:

“வெனிசுலா மக்களுக்கு ஒரு புதிய ஜனநாயக எதிர்காலத்தை உருவாக்க உதவுவதற்காக நாட்டின் அரசியல் கட்சிகள் மற்றும் அனைத்து சிவில் சமூக குழுக்களுக்கும் இடையே ஒரு பாலமாக இந்த நிறுவனம் செயல்பட்டு வருகிறது…”

2009 ஆம் ஆண்டு ஹோண்டுராசு ஆட்சிக் கவிழ்ப்பில் ஐ.ஆர்.ஐ., ஜனநாயக ரீதியாக தேர்ந்தெடுக்கப்பட்ட தலைவரான மானுவல் ஜெலயாவை ஆதரித்ததன் காரணமாக, அமெரிக்காவுக்கான பொலிவியன் மாற்றீட்டிற்கு (ஹோண்டுராஸ், வெனிசுலா, பொலிவியா உள்ளிட்ட தடையற்ற வர்த்தக எதிர்ப்பு உடன்படிக்கை) ஆதரவு அளித்ததன் காரணமாகவும், தொலைத்தொடர்புகளை தனியார்மயமாக்க அவர் மறுத்ததற்காகவும், அவரை வெளியேற்றுவதற்கு ஆதரவளித்ததாகக் கூறப்பட்ட நிலையில், ஐஆர்ஐயும் சிக்கியது. அரைக்கோள விவகாரங்களுக்கான கவுன்சிலின் (Council of Hemisphere Affairs) படி, AT&T ஆனது IRI மற்றும் செனட்டர் ஜான் மெக்கெய்ன் (அதன் தலைவர்) ஆகிய இருவருக்கும் தங்கள் தொலைத்தொடர்பு துறையை தனியார்மயமாக்க மறுக்கும் லத்தீன் அமெரிக்க மாநிலங்களை குறிவைக்கும் வகையில் குறிப்பிடத்தக்க நிதியை வழங்கியது.

பல NED-ஆதரவு செயற்பாட்டாளர்கள் அரபு வசந்த போராட்டங்களில் முக்கிய இடத்தைப் பிடித்துள்ளனர் மற்றும் புதிதாக நிறுவப்பட்ட இடைக்கால அரசாங்கங்களில் அமெரிக்க ஆதரவுடைய வேட்பாளர்கள் முன்னணி பதவிகளை வகித்துள்ளனர். லிபியாவின் இடைக்காலப் பிரதம மந்திரி டாக்டர் அப்துர்ரஹிம் எல்-கீப் இதற்கு மிகத் தெளிவான உதாரணம், இவர் அமெரிக்க/லிபிய இரட்டைக் குடியுரிமையைப் பெற்றவர் மற்றும் பிரிட்டிஷ் பெட்ரோலியம், ஷெல், டோட்டல் மற்றும் ஜப்பான் ஆயில் டெவலப்மென்ட் நிறுவனத்தால் நிதியளிக்கப்பட்ட பெட்ரோலிய நிறுவனத்தின் முன்னாள் தலைவராக உள்ளார். லிபியாவின் எண்ணெய் மற்றும் எரிவாயு விநியோகத்தை ஒரு தொழில்நுட்ப வல்லுநரிடம் அவர் ஒப்படைத்தார், மேலும் கார்டியனின் கூற்றுப்படி, "மேற்கத்திய ஆதரவாளர்களை மகிழ்விப்பதற்காகவே" தீவிர இஸ்லாமியர்கள் அமைச்சரவை ஒன்றை உருவாக்குவார் என்றும் எதிர்பார்க்கப்படுகிறது. 2011 இல் அமைதிக்கான நோபல் பரிசைப் பெற்ற இளையவர் என்ற பெருமையைப் பெற்ற யேமனைச் சேர்ந்த தவக்குல் கர்மான், "சங்கிலிகள் இல்லாத பெண் பத்திரிகையாளர்கள்” (Women Journalists without Chains) என்ற NED மானிய அமைப்பின் தலைவராக இருந்தார்.

2009 இல், பதினாறு இளம் எகிப்திய ஆர்வலர்கள் வாஷிங்டனில் இரண்டு மாத சுதந்திர மாளிகை புதிய தலைமுறை (Freedom House New Generation) பெல்லோஷிப்பை நிறைவு செய்தனர். ஆர்வலர்கள் அங்கே வாதிடுவதில் பயிற்சி பெற்றனர் மற்றும் அமெரிக்க அரசாங்க அதிகாரிகள், காங்கிரஸ் உறுப்பினர்கள், ஊடக நிறுவனங்கள் மற்றும் சிந்தனையாளர்களை சந்தித்தனர். 2008 ஆம் ஆண்டு வரை, ஏப்ரல் 6 இயக்கத்தின் உறுப்பினர்கள் நியூயார்க்கில் உள்ள இளைஞர் இயக்கங்களின் (AYM) தொடக்க உச்சிமாநாட்டில் கலந்து கொண்டனர், அங்கு அவர்கள் மற்ற இயக்கங்களுடன் வலையமைத்து, புதிய மற்றும் சமூக ஊடகங்களைப் பயன்படுத்துவதற்கான பட்டறைகளில் கலந்து கொண்டனர் மற்றும் தொழில்நுட்பத்தைப் பற்றி அறிந்து கொண்டனர். மாநில இணைய கண்காணிப்பைத் தவிர்க்க உதவும் கணினி சிம்கார்டுகளை தொடர்ச்சியாக மாற்றுவது போன்ற மேம்படுத்தல்களைக் கற்றறிந்தனர். AYM ஆனது பெப்சி, யூடியூப் மற்றும் எம்டிவி ஆகியவற்றால் ஸ்பான்சர் செய்யப்படுகிறது. 2008 உச்சிமாநாட்டில் பங்கேற்றவர்களில், ஃபேஸ்புக் மற்றும் ட்விட்டரைப் பயன்படுத்துவதில் ஆர்வலர்களுக்கு பயிற்சி அளிக்கும் வகையில், வெளியுறவுத்துறையின் ஜேம்ஸ் கிளாஸ்மேன், ஃப்ரீடம் ஹவுஸின் ஷெரிப் மன்சூர், தேசிய பாதுகாப்பு ஆலோசகர் ஷாரிக் ஜாபர் மற்றும் NED இன் லாரி டயமண்ட் ஆகியோர் அடங்குவர். 24

இருப்பினும் செப்டம்பர் 2009 இல், பிட்ஸ்பர்க்கில் G20 உச்சிமாநாட்டின் வீதி எதிர்ப்பாளர்களுக்கு காவல்துறை நகர்வுகள் பற்றிய தகவல்களைப் பரப்ப ட்விட்டரைப் பயன்படுத்தியதற்காக எலியட் மேடிசனை (அமெரிக்க குடிமகன் மற்றும் முழுநேர சமூக சேவகர்) அமெரிக்க அதிகாரிகள் கைது செய்தனர். மேடிசன், தளர்வாக வரையறுக்கப்பட்ட கூட்டாட்சி கலக எதிர்ப்புச் சட்டத்தை மீறியதாகத் தெரிகிறது, "தகவல்தொடர்பு வசதியை சட்டவிரோதமாக பயன்படுத்துதல்," “குற்றம் புரிய உதவிய கருவிகளை வைத்திருத்தல்" மற்றும் “பயத்தை தடுப்பது" ஆகியவைகளில் குற்றம் சாட்டப்பட்டார்.

ஜூன் 2009 இல், ஈரானிய அரசு எதிர்ப்பாளர்களின் ட்வீட்டுகள் தடைபடா வண்ணம், ட்விட்டர் திட்டமிடப்பட்ட மென்பொருள் மேம்படுத்தலை தாமதப்படுத்துமாறு வெளியுறவுத்துறை கோரியது. ட்விட்டர் பின்னர் ஒரு வலைப்பதிவு இடுகையில், "ஈரானில் முக்கியமான தகவல் தொடர்பு கருவியாக" அதன் பங்கின் காரணமாக மேம்படுத்தலை தாமதப்படுத்தியதாகக் கூறியது.

கெய்ரோ அமெரிக்க தூதரகத்தில் இருந்து கசிந்த, "ஏப்ரல் 6 இயக்க ஆர்வலர் ஒருவரது அமெரிக்க விஜயம் மற்றும் எகிப்தில் ஆட்சி மாற்றம்", தலைப்பிடப்பட்ட 2008 கேபிள் ஒன்று AYM உச்சிமாநாட்டில் ஏப்ரல் 6 இளைஞர் ஆர்வலர் ஒருவருடன் அமெரிக்கா உரையாடியதைக் காட்டுகிறது.

டிசம்பர் 2008 முதல் ஏப்ரல் 6 இயக்கத்துடன் தொடர்புடைய எந்தவொரு இளைஞர் அமைப்புக்கும் நிதியுதவி செய்வது வாஷிங்டன் மற்றும் கெய்ரோவில் உள்ள அமெரிக்க தூதரகங்கள்தான் என்பதும், அவ்வியக்கத்தின் நோக்கம் எகிப்தில் ஆட்சி மாற்றம் என்பதை முழுமையாக அறிந்திருந்ததை உரையாடல் நிரூபிக்கிறது.

ஏப்ரல் 2011 இல், நியூயார்க் டைம்ஸ் ஒரு கட்டுரையை வெளியிட்டது "அரேபிய எழுச்சிகளை வளர்ப்பதற்கு அமெரிக்கக் குழுக்கள் உதவின” என்று அது வெளிப்படையாகக் கூறியது,

“எகிப்தில் ஏப்ரல் 6 இளைஞர் இயக்கம், மனித உரிமைகளுக்கான பஹ்ரைன் மையம் மற்றும் யேமனில் உள்ள இளைஞர் தலைவரான என்ட்சார் காதி போன்ற அடிமட்ட ஆர்வலர்கள் உட்பட, பிராந்தியத்தில் நடக்கும் கிளர்ச்சிகள் மற்றும் சீர்திருத்தங்களில் நேரடியாக ஈடுபட்டுள்ள பல குழுக்கள் மற்றும் தனிநபர்கள் IRI, NDI மற்றும் ஃப்ரீடம் ஹவுஸ் போன்ற குழுக்களிடமிருந்து நிதியுதவி மற்றும் பயிற்சியும் பெற்றனர்.”

NED இன் 2009 ஆண்டு அறிக்கையின்படி, அந்த ஆண்டு எகிப்தில் உள்ள சிவில் சமூக அமைப்புகளுக்கு $1,419,426 மதிப்புள்ள மானியங்கள் வழங்கப்பட்டன. ஜனவரி-பிப்ரவரி 2011 புரட்சிக்கு முந்தைய ஆண்டான 2010 இல், இந்த நிதி $2,497,457 ஆக அதிகரித்தது. இந்த தொகையில் ஏறக்குறைய $1,146,903, "கார்ப்பரேட் குடியுரிமையை ஊக்குவிப்பதற்காக" பட்டறைகளை நடத்துதல் மற்றும் சிவில் சமூக அமைப்புகளை ஈடுபடுத்துதல் "சுதந்திர சந்தைக்கு ஆதரவளிக்கும் திறனை வலுப்படுத்துவதன் மூலம் ஜனநாயக செயல்பாட்டில் பங்கேற்பது" போன்ற நடவடிக்கைகளுக்காக சர்வதேச தனியார் நிறுவனங்களுக்கான மையத்திற்கு (Center for International Private Enterprise) ஒதுக்கப்பட்டது. அவர்களின் உறுப்பினர்கள் சார்பாக சட்டமன்ற சீர்திருத்தம்." "உள்ளூர் ஆர்வலர்கள் மற்றும் வலைபதிவர்களின் வலையமைப்பில் ஒத்துழைப்பை வலுப்படுத்துவதற்காக ஃப்ரீடம் ஹவுஸ் $89,000 தொகையையும் பெற்றது.

அதே அறிக்கையின்படி, பல்வேறு இளைஞர் அமைப்புகள் மற்றும் இளைஞர்கள் சார்ந்த திட்டங்கள், புதிய ஊடகங்களின் பயன்பாட்டை விரிவுபடுத்துதல் மற்றும் இளம் ஆர்வலர்களிடையே சமூக விளம்பர பிரச்சாரங்கள், பயிற்சி மற்றும் தொடர்ந்து ஆதரவை வழங்குதல் போன்ற செயல்களுக்காக மொத்தம் $370,954 பெற்றன.

புரட்சிக்குப் பிறகு, NDI மற்றும் IRI ஆகியவை எகிப்தில் தங்கள் செயல்பாடுகளை பெருமளவில் விரிவுபடுத்தி, அவற்றுக்கிடையே ஐந்து புதிய அலுவலகங்களைத் திறந்து, அதிக எண்ணிக்கையிலான புதிய ஊழியர்களை வேலைக்கு அமர்த்தின. Dawlat Eissa கருத்துப்படி, இவர் 27 வயதான எகிப்திய-அமெரிக்க மற்றும் முன்னாள் IRI ஊழியர் ஆவார்; வாஷிங்டனில் இருந்து இரகசியமாக பணத்தை அனுப்ப ஊழியர்களின் தனிப்பட்ட வங்கிக் கணக்குகளை ஐஆர்ஐ பயன்படுத்தியது, மேலும் ஒரு ஐஆர்ஐ கணக்காளர் இயக்குநர்கள் தங்கள் தனிப்பட்ட கிரெடிட் கார்டுகளை செலவுகளுக்காக பயன்படுத்தியதாகக் கூறினார். அமெரிக்காவிற்கு ஸ்கேன் செய்து அனுப்புவதற்கு நிறுவனத்தின் வேலை தொடர்பான அனைத்து ஆவணங்களையும் சேகரிக்குமாறு பணியாளர்களிடம் சாம் லாஹூட் கூறியதாக கூறப்படுகிறது.

NDI, IRI மற்றும் Freedom House ஆகியவை எகிப்தில் இளைஞர் இயக்கத்திற்கு பயிற்சி அளித்து நிதியுதவி அளித்தன என்பது தெளிவாகிறது, அதே நேரத்தில் முபாரக்கை அதிகாரத்தில் இருந்து அகற்றுவதை இளைஞர் இயக்கம் நோக்கமாகக் கொண்டிருந்தது என்பதும் அமெரிக்க அரசாங்கத்திற்கும் அதன் கெய்ரோ தூதரகத்திற்கும் நன்கு தெரிந்திருந்தது. அமெரிக்காவில் இதேபோன்ற எதிர்ப்பு குழுக்களுக்கு சீனா அல்லது கியூபா நிதியுதவி செய்தால், எகிப்தில் இப்போது விசாரணைக்கு வந்த நாற்பத்து மூன்று பேரை விட சம்பந்தப்பட்டவர்கள் மிகக் கடுமையான தண்டனைகளை எதிர்கொள்வார்கள். ஆனாலும் அவர்கள் அரசு சாரா ஊழியர்கள் என்ற கந்தலான போர்வையில் தொடர்ந்து ஒளிந்து கொண்டிருக்கிறார்கள்.

உக்ரைன்:

உக்ரைனில் உள்நாட்டுப் போர் என்பது உக்ரைனை ஐரோப்பிய பொதுச் சந்தையிலும், நேட்டோவின் ஒரு துணை கிளையன்ட் நாடாகவும் கொண்டு ஒரு இணக்கமான ஆட்சியை நிறுவுவதற்கான அமெரிக்க மற்றும் ஐரோப்பிய ஒன்றியத்தின் தந்திரோபாயத்தின் விளைவாகும். ஐரோப்பிய ஒன்றியத்திற்கும் உக்ரைன் அரசாங்கத்திற்கும் இடையிலான பேச்சுவார்த்தைகள் மெதுவாகவே நடந்தன. ஐரோப்பிய ஒன்றியம் கோரும் கடுமையான கட்டளைகள் மற்றும் ரஷ்யா வழங்கிய மிகவும் சாதகமான பொருளாதார சலுகைகள் மற்றும் மானியங்கள் காரணமாக அவை இறுதியில் தடுமாறின. ஐரோப்பிய ஒன்றியத்துடன் உக்ரைனை இணைப்பதற்கான பேச்சுவார்த்தையில் தோல்வியுற்றதால், திட்டமிடப்பட்ட அரசியலமைப்புத் தேர்தல்களுக்கு காத்திருக்க நேட்டோ சக்திகள் தயாராக இல்லை, தங்கள் நன்கு நிதியளிக்கப்பட்ட மற்றும் ஒழுங்கமைக்கப்பட்ட என்ஜிஓக்கள், வாடிக்கையாளர் அரசியல் தலைவர்கள் மற்றும் ஆயுதமேந்திய துணை இராணுவக் குழுக்களை கொண்டு மக்களால் தேர்ந்தெடுக்கப்பட்ட அரசாங்கத்தை வன்முறை மூலம் கவிழ்க்கச் செய்தன. வன்முறை ஆட்சி வெற்றியடைந்தது மற்றும் அமெரிக்க நியமித்த சிவிலியன்-இராணுவ ஆட்சிக்குழு ஆட்சியைப் பிடித்தது.

மனித உரிமைகள் கண்காணிப்பகம் பாசாங்குத்தனத்தின் உதாரணம்:

NGO என்ற சொல், அப்பாவி பரோபகார நடவடிக்கை என்ற மாயையை உருவாக்குவதற்காக வேண்டுமென்றே பயன்படுத்தப்படுகிறது.

மனித உரிமைகள் கண்காணிப்பகம் தன்னை "மனித உரிமைகளைப் பாதுகாப்பதற்கு அர்ப்பணிக்கப்பட்ட உலகின் முன்னணி சுயாதீன அமைப்புகளில் ஒன்று" என்று வகைப்படுத்திக் கொள்கிறது. இருப்பினும், அமெரிக்க அரசாங்கத்துடனான HRW இன் நெருக்கமான உறவுகள் அதன் சுதந்திரத்தை கேள்விக்குள்ளாக்குகின்றன. HRW இன் வாஷிங்டன் வக்கீல் இயக்குனர், டாம் மலினோவ்ஸ்கி, முன்னர் ஜனாதிபதி பில் கிளிண்டனின் சிறப்பு உதவியாளராகவும், வெளியுறவுத்துறை செயலர் மேடலின் ஆல்பிரைட்டின் உரையாசிரியராகவும் பணியாற்றினார். 2013 இல், ஜான் கெர்ரியின் கீழ் ஜனநாயகம், மனித உரிமைகள் மற்றும் தொழிலாளர் உதவி செயலாளராக பரிந்துரைக்கப்பட்ட பின்னர், அவர் HRW ஐ விட்டு வெளியேறினார். அவரது HRW.org சுயசரிதையில், இயக்குநர்கள் குழுவின் துணைத் தலைவர் சூசன் மணிலோ தன்னை "பில் கிளிண்டனின் நீண்டகால நண்பர்" என்றும், அவர் தனது அரசியல் கட்சியில் "அதிக ஈடுபாடு கொண்டவர்" என்றும், ஜனநாயக தேசியக் குழுவிற்கு "டசன் கணக்கான நிகழ்வுகளை தொகுத்து வழங்கியவர்" என்றும் விவரிக்கிறார்.

"வரையறுக்கப்பட்ட சூழ்நிலையில்" CIA-வின் செயல்பாடுகளுக்கு “ஒரு முறையான இடம்" உள்ளது என்றும் அது பூமியைச் சுற்றி சந்தேகத்திற்குரிய பயங்கரவாத நபர்களை கடத்துவது மற்றும் இடமாற்றம் செய்யும் சட்டவிரோத நடைமுறை” மட்டுமே என்று மலினோவ்ஸ்கி 2009 இல் வாதிட்டார்.

2012 ஆம் ஆண்டு ஜனாதிபதி சாவேஸுக்கு எழுதிய கடிதத்தில், UN மனித உரிமைகள் பேரவைக்கான நாட்டின் வேட்புமனுவை HRW விமர்சித்தது, வெனிசுலா "ஏற்றுக்கொள்ளக்கூடிய தரங்களுக்கு மிகவும் குறைவாக உள்ளது" என்று குற்றம் சாட்டியது மற்றும் "மனித உரிமைகள் மீதான நம்பகமான குரலாக பணியாற்றுவதற்கான அதன் திறனை" கேள்விக்குள்ளாக்கியது. ஆனால், வாஷிங்டனின் இரகசிய, உலகளாவிய படுகொலைத் திட்டம், அதன் நலன்களைப் பாதுகாத்தல் மற்றும் குவாண்டனாமோ விரிகுடாவில் தனிநபர்களை சட்டவிரோதமாகத் தடுத்து வைத்தது போன்றவற்றுக்குப் பிறகும், அதே கவுன்சிலில் அமெரிக்க உறுப்பினர் பதவி எந்த நேரத்திலும் HRW இலிருந்து தணிக்கைக்கு உட்படுத்தப் படவில்லை.

பிப்ரவரி 2013 இல், HRW சிரியா உள்நாட்டுப் போரில் ஏவுகணைகளை பயன்படுத்தியதை "சட்டவிரோதமானது" என்று விவரித்தது. ஆனால் ஆகஸ்ட் மாதம் சிரியா மீது ஏவுகணை தாக்குதல்கள் குறித்த அமெரிக்க அச்சுறுத்தல்கள் அல்லது யேமன், ஆப்கானிஸ்தான் மற்றும் பாகிஸ்தானில் பெண்கள் மற்றும் குழந்தைகளை கொல்லும் ட்ரோன் தாக்குதல்கள் ஆகியவை சர்வதேச சட்டத்தின் தெளிவான மீறல்களே ஆயினும் அவை குறித்து HRW அமைதியாகவே இருந்தது.

- மருதன் 

(தமிழில்)

மூலக்கட்டுரை : https://mronline.org/2021/02/18/role-of-ngos-in-promoting-neo-colonialism/