பாஜக பாசிசத்தை முறியடிக்க இந்தியா கூட்டணியும் அதில் இடம்பெற்றுள்ள தி.மு.க வையும் ஆதரிக்க சொல்லும் திருத்தல்வாதிகளின் தத்துவார்த்த பிழையும் புரட்சிகர மார்க்சிசம் முன்மொழியும் தீர்வும்

ஒரு தொடக்கப் புள்ளியாக, மாவோ எழுதிய "முரண்பாடு குறித்து" என்ற நூலிலிருந்து இந்த மேற்கோளைக் கவனியுங்கள்:

“ஒரு சிக்கலான பொருளின் வளர்ச்சி நிகழ்வுப் போக்கில் பல முரண்பாடுகள் உள்ளன. அவற்றில் ஒன்று இன்றியமையாதவாறு முதன்மை முரண்பாடாகும்; அதன் இருத்தலும் வளர்ச்சியும் பிற முரண்பாடுகளின் இருத்தலையும் வளர்ச்சியையும் தீர்மானிக்கின்றன அல்லது பாதிக்கின்றன.

எடுத்துக்காட்டாக, முதலாளித்துவ சமுதாயத்தில் முரண்பாட்டில் உள்ள இரு சக்திகளான பாட்டாளி வர்க்கமும் முதலாளி வர்க்கமும் முதன்மை முரண்பாடாக அமைகின்றன. எஞ்சியிருக்கும் நிலவுடமை வர்க்கத்துக்கும் முதலாளி வர்க்கத்துக்கும் இடையே, உழவர் குட்டி முதலாளி வர்க்கத்துக்கும் முதலாளி வர்க்கத்துக்கும் இடையே, பாட்டாளி வர்க்கத்துக்கும் உழவர் குட்டி முதலாளி வர்க்கத்துக்கும் இடையே, ஏகபோகமற்ற முதலாளிகளுக்கும் ஏகபோக முதலாளிகளுக்கும் இடையே, முதலாளித்துவ ஜனநாயகத்திற்கும் முதலாளிய பாசிசத்திற்கும் இடையே, முதலாளிய நாடுகளுக்கிடையே, ஏகாதிபத்தியத்திற்கும் காலனிகளுக்கும் இடையிலான முரண்பாடுகள் போன்ற பிற முரண்பாடுகள் அனைத்தும் இந்த முதன்மை முரண்பாட்டால் தீர்மானிக்கப்படுகின்றன அல்லது செல்வாக்கு செலுத்தப்படுகின்றன.”

பாசிசம் என்ற பிரச்சினையை நாம் பரிசீலிக்கும்போது, நாம் கையாளும் முரண்பாடு இரண்டாம் பட்ச முரண்பாடாகும். ஏகபோகத்திற்கும் ஏகபோகமல்லாத முதலாளித்துவத்திற்கும் இடையிலான முரண்பாடு பொருளாதார அடித்தளத்தின் முதலாளித்துவ அம்சத்திற்குள் ஒரு முரண்பாடாக இருப்பதைப் போலவே, இது மேற்கட்டுமானத்தின் முதலாளிய அம்சத்திற்குள் ஒரு முரண்பாடாகும். 

ஆனால் பொருளாதார அடித்தளத்திற்குள்ளும், அரசியல் மேற்கட்டுமானத்திற்குள்ளும் பாட்டாளி வர்க்கத்துக்கும் முதலாளி வர்க்கத்துக்கும் இடையே முரண்பாடு உள்ளது. இந்த வர்க்கங்களுக்கு இடையிலான ஒட்டுமொத்த உறவுகள்தான் முதலாளித்துவ ஜனநாயகத்திற்கும் பாசிசத்திற்கும் இடையிலான முரண்பாட்டின் வளர்ச்சியை நிர்ணயிக்கின்றன, பாதிக்கின்றன, அவை முதலாளித்துவ சர்வாதிகாரத்தின் இரண்டு அம்சங்களாகும். இவ்வாறாக, முதலாளித்துவ ஆட்சியின் இயக்கவியல் ரீதியாக  தொடர்புடைய இரண்டு வடிவங்கள்தான் முதலாளித்துவ ஜனநாயகம் மற்றும் முதலாளிய பாசிசமும் ஆகும் .

இந்த அடிப்படை மார்க்சிய முன்மொழிவைத் தான் திருத்தல்வாதிகள் பாசிசம் பற்றி இருட்டடிப்பு செய்கிறார்கள். முதலாளித்துவ வர்க்கத்தின் சர்வாதிகாரத்தை அம்பலப்படுத்துவதற்குப் பதிலாக, "ஜனநாயகம்" எவ்வாறு வர்க்க ஒடுக்குமுறையை அடிப்படையாகக் கொண்டது என்பதைக் காட்டுவதற்குப் பதிலாக, இவர்கள் இந்த இரண்டு வகையான ஆட்சி வடிவங்கள் மீதும், அவை இரண்டு வெவ்வேறு வகையான சமூக அமைப்புகள் என்பது போல் சித்தரிக்கின்றனர். இதைச் செய்வதன் மூலம், முதலாளித்துவ அரசையும் அதனுடன் சேர்ந்து அதன் இரண்டு வடிவங்களையும் அழிப்பதற்கான சாத்தியப்பாடு குறித்தும் தொழிலாளர்கள் மத்தியில் தப்பெண்ணங்களை வளர்த்து வருவதன் மூலம் அவர்கள் முதலாளித்துவ வர்க்கத்திற்கு ஒரு மதிப்புமிக்க சேவையை செய்கின்றனர் .

முதலாளித்துவ சமூகத்தில் “சனநாயகம் யாருக்கானது ?” . இந்த நாட்டில் மக்கள் ஒருபோதும் உண்மையான ஜனநாயகத்தை அனுபவித்ததில்லை; முதலாளித்துவ மற்றும் குட்டி முதலாளித்துவ வர்க்கங்களுக்கு ஜனநாயகத்தின் மாறுபட்ட அளவுகள் மட்டுமே இருந்துள்ளன. இறுதியாக பாட்டாளிகளுக்கு சட்டத்தில் விரிவுபடுத்தப்பட்ட உரிமைகள், முதலாளித்துவ ஆட்சியின் பிரச்சினைகளைத் தீர்ப்பதில் அவர்கள் கவனம் செலுத்தும் வரை மட்டுமே அவை பயன்படுத்தக் கூடியவை, அனுமதிக்கப்படுகின்றன. 

சாத்தியமான அனைத்து முதலாளித்துவ உலகங்களிலும் கூட, மிகவும் அமைதியான முதலாளித்துவத்தில், இன்னும் பெருந்திரளான மக்கள் ஜனநாயக செயல்முறையிலிருந்து விலக்கி வைக்கப்படுகிறார்கள். இது "ஜனநாயகம்" அல்ல, மாறாக முதலாளித்துவ ஜனநாயகம், அது அதன் சிறந்த நிலையில் வேலை செய்தாலும் கூட, அது சமூகத்தின் அடிமட்டத்தில் உள்ள ஆயிரகணக்கான மக்களுக்கு திறம்பட வேலை செய்யாது. முதலாளித்துவ சமுதாயத்தில், "ஜனநாயக" நிலைமைகளின் கீழ், தனிப்பட்ட பாட்டாளி வர்க்கத்திற்கு உரிமைகள் இருக்கலாம், ஆனால் பாட்டாளி வர்க்கம்-ஒரு வர்க்கமாக உரிமைகளைப் பயன்படுத்த முடியாது, அவை மூலதனத்தின் சக்தியை வலுப்படுத்தவே  பயன்படுத்தப்படுகின்றது. இதுதான் முதலாளித்துவ ஜனநாயகம் என்பதன் பொருள்.

அதன் புகழின் உச்சத்தில், முதலாளித்துவ வர்க்கத்தின் சர்வாதிகாரம் மிகவும் மறைத்துவைக்கப்படுகிறது , சில சமயங்களில் அதன் அதிகாரத்தை வலுப்படுத்துவதில் பெரும்பான்மையான மக்களும் கூட பங்கேற்றனர். அந்தக் காலகட்டத்தில் வெகுஜனங்கள் முதலாளித்துவ ஜனநாயகத்தில் ஒரளவு நம்பிக்கையைப் பெறுகிறார்கள், முதலாளித்துவ வர்க்கத்தால் சட்டபூர்வமாக மக்களுக்கு அளிக்கப்படும் ஜனநாயகம் ஒன்றுதான் சாத்தியமான வகை ஜனநாயகம் என்ற நம்பிக்கையைப் பெறுகிறார்கள். ஆனால் அந்த காலம் கடந்து கொண்டிருக்கிறது. நாம் வாழ்ந்து கொண்டிருக்கும் முதலாளித்துவத்தின் காலகட்டம் ஏகாதிபத்திய சிதைவின் காலகட்டம், நீண்ட, பொதுவான நெருக்கடிக் காலகட்டம், இங்கு மக்களிடையே சிறிய இயக்கம் - வெறும் இலைகளின் சலசலப்பு - ஆளும் வர்க்கத்தில் பீதியை ஏற்படுத்துகிறது. இது ஒரு புரட்சிகர சகாப்தம், உணர்வுபூர்வமாக ஒரு பின்னடைவு இருந்தபோதிலும்கூட, தொழிலாள வர்க்கம் முதலாளித்துவ ஜனநாயகம் பற்றிய அதன் பிரமைகளை உதிர்க்கத் தொடங்கியுள்ளது, அதேவேளையில் முதலாளித்துவ வர்க்கம், அதன் சொந்த அரசியலமைப்பை கைவிடுவதை நோக்கி நகர்கிறது, அத்துடன் ஜனநாயக ஆட்சி பற்றிய எந்த பாசாங்கையும் கைவிடுகிறது.

முதலாளித்துவ ஜனநாயகத்தின் வரலாறு பின்னோக்கிய மற்றும் முன்னோக்கிய நகர்வுகளால் குறிக்கப்படுகிறது. பாசிசம் ஏகாதிபத்தியத்திற்கும் முதலாளித்துவத்தின் பொது நெருக்கடிக்கும் பிரத்தியேகமானது என்றாலும், பாசிசத்திற்கான தயாரிப்பு முதலாளித்துவ சர்வாதிகாரத்தில் உள்ளார்ந்துள்ளது மற்றும் மீண்டும் மீண்டும் நடைமுறையில் செயல்படுத்தப்படும் ஒரு நீண்ட வரலாறைக் கொண்டுள்ளது. முதலாளித்துவ வர்க்கம் நேற்று தாங்கள் ஆதரிப்பதாகத் தோன்றிய அரசியலமைப்புச் சட்டத்தைக் கைவிடுவதற்கு என்ன காரணம்? அவர்கள் வெளிப்படையான பயங்கரவாதத்தையும், பாரிய சக்தியையும் கைக்கொள்ள என்ன காரணம்? அவர்கள் ஏன் ஒரு ஆட்சி வடிவத்திலிருந்து மற்றொன்றுக்கு மாறுகிறார்கள்? ஏனென்றால் அவர்களால் இனியும் பழைய முறையில் ஆட்சி செய்ய முடியாது.

அவர்கள் ஏன் இனி பழைய முறையில் ஆட்சி செய்ய முடியாது? ஏனெனில் ஒரு புறநிலை நெருக்கடி, எவருடைய விருப்பத்தையும் சாராத ஒரு பொருளாதார மற்றும் அரசியல் நெருக்கடி. உற்பத்தி முறையில், பாட்டாளி வர்க்கத்துக்கும் முதலாளி வர்க்கத்துக்கும் இடையிலான பொருளாதார அடித்தளத்தில் முரண்பாடுகள் வளர்ந்ததன் விளைவே இந்த நெருக்கடி. முதலாளித்துவ வர்க்கம் ஒன்றன்பின் ஒன்றாக கொள்கைகளை முயற்சிக்கிறது, ஆனால் நிலைமை மோசமாகிறது. உண்மையில் நெருக்கடியைத் தடுக்க முதலாளித்துவ வர்க்கத்தால் செயல்படுத்தக் கூடிய எந்தக் கொள்கையும் இல்லாமல் போகிறது.

திருத்தல்வாதம் முதலாளித்துவ சமுதாயத்தின் பிரதான முரண்பாட்டை முதலாளித்துவ வர்க்கத்துக்கும் பாட்டாளி வர்க்கத்துக்கும் இடையிலான முரண்பாடாக அங்கீகரிக்கவில்லை; அரசியல் போராட்டம் என்பது அரசு அதிகாரத்துக்காக இந்த இரு வர்க்கங்களுக்கிடையிலான போராட்டம் என்பதை அது அங்கீகரிக்கவில்லை, ஆகவே போராட்டத்தின் குறிக்கோள் பாட்டாளி வர்க்கச் சர்வாதிகாரம் என்பதை அது அங்கீகரிக்கவில்லை. திருத்தல்வாதம் முதலாளித்துவ ஜனநாயகத்திற்கு  இட்டுச் செல்லும் ஒரு முற்போக்கான அம்சத்தையும் பாசிசத்திற்கு இட்டுச் செல்லும் ஒரு பிற்போக்கு அம்சத்தையும் கொண்டிருப்பதாக புரிந்து கொள்கிறது. இந்த இரண்டு அம்சங்களும் முதலாளித்துவ அரசுக்குள் நிலவுவதாகக் காண்கிறது , மேலும் போராட்டம் தொழிலாளர்களை முதலாளித்துவ வர்க்கத்தின் "முற்போக்கு" பக்கத்தின் பின்னால் அணிதிரட்டுவதைச் சுற்றி மையம் கொண்டுள்ளது. மாற்றத்தின் உள் அடித்தளமாக அமையும் முதலாளித்துவ வர்க்கத்தின் மீது ஒரு புற நிபந்தனை என்பதுதான் தொழிலாளி வர்க்கத்திற்கு அளிக்கப்பட்ட பாத்திரம். அது சிறந்த நிலைமைகளுக்காக போராடுவதற்கான சிறந்த நிலைமைகளுக்கான நித்திய போராட்டத்தின் கருத்தாக்கமாகும்; முதலாளித்துவ வர்க்கத்தின் நிரந்தர ஆட்சி மற்றும் சாசுவதமான போராட்டம் பற்றிய கருத்தாக்கம் இது. இது ஒருபோதும் முடிவடையாத கொள்கை பாதுகாப்பின் ஒரு கருத்தாக்கமாகும். நடைமுறையில், திருத்தல்வாதம் பாசிசத்தைத் தோற்கடிக்க முதலாளித்துவ ஜனநாயகத்தைச் சார்ந்துள்ளது. திருத்தல்வாதிகள் பாசிசத்தைக் கண்டு அஞ்சி முதலாளித்துவ ஜனநாயகத்தை மூர்க்கமாக பற்றிக் கொண்டுள்ளனர்.

திருத்தல்வாதம் புரட்சிகர மார்க்சிசத்திற்கு பதிலாக சீர்திருத்தவாதத்தை பதிலீடு செய்வதே அதன் கொள்கையாகும். மிகவும் முன்னேறிய தொழிலாளர்களில் ஒரு பிரிவினரை முதலாளித்துவ வர்க்க அரசியலுக்குள் ஈர்ப்பதும், "பொதுவாக ஜனநாயகம்" குறித்த குட்டி-முதலாளித்துவ வர்க்கத்தின் தப்பெண்ணங்களை பாட்டாளி வர்க்கத்திற்குள் திருப்பிவிடுவதும், பாட்டாளி வர்க்கத்திற்குள் ஒரு குட்டி-முதலாளித்துவ ஜனநாயக இயக்கத்தை உருவாக்குவதும், வேறு வார்த்தைகளில் கூறுவதானால், பாட்டாளி வர்க்கத்தின் ஒடுக்கப்பட்ட வெகுஜனங்களுக்கு எதிராகவும் ஒடுக்கப்பட்ட தேசங்களுக்கு எதிராகவும் தொழிலாள வர்க்கத்தின் ஒரு பிரிவுக்கும் முதலாளித்துவ வர்க்கத்துக்கும் இடையிலான ஒரு கூட்டணியை உருவாக்குவதும் அதன் ஒட்டுமொத்த பணியாகும்.

ஆகவே, போராட்டம் ஜனநாயகத்துக்கும் பாசிசத்துக்கும் இடையிலானதே அன்றி முதலாளித்துவச் சர்வாதிகாரத்துக்கும் பாட்டாளி வர்க்கச் சர்வாதிகாரத்துக்கும் இடையிலான போராட்டமல்ல என்று திருத்தல்வாதம் தொழிலாளர்களுக்குப் போதிக்கிறது. 

அதனால்தான் 1928 முதல் ஸ்டாலினின் வார்த்தைகள் இன்றும் மிகவும் பொருத்தமானவையாக இருக்கின்றன: "ஏகாதிபத்தியத்தின் பின்புலம் பலப்படுத்தப்படாவிட்டால் ஏகாதிபத்தியத்திற்காக போர் தொடுப்பது சாத்தியமற்றது. தொழிலாளர்களை நசுக்காமல் ஏகாதிபத்தியத்தின் பின்புலத்தைப் பலப்படுத்துவது சாத்தியமில்லை. அதற்காகத்தான் பாசிசம் தேவைப்படுகிறது ."

ஸ்டாலின் சொன்னது போல பாசிசத்தின் வெற்றி

... தொழிலாள வர்க்கத்தின் பலவீனத்தின் ஒரு அறிகுறியாகவும், பாசிசத்திற்கு பாதை வகுத்த சமூக-ஜனநாயகத்தால் தொழிலாள வர்க்கம் காட்டிக் கொடுக்கப்பட்டதன் விளைவாகவும் மட்டும் கருதப்படக்கூடாது; முதலாளித்துவ வர்க்கத்தின் பலவீனத்தின் ஓர் அறிகுறியாகவும், முதலாளித்துவ வர்க்கம் ஏற்கெனவே நாடாளுமன்ற முறையின் பழைய முறைகளாலும் முதலாளித்துவ ஜனநாயகத்தாலும் ஆட்சி நடத்த முடியவில்லை என்பதன் அறிகுறியாகவும், அதன் விளைவாக அதன் உள்நாட்டுக் கொள்கையில் பயங்கரமான நிர்வாக முறைகளை நாட நிர்ப்பந்திக்கப்படுகிறது என்பதன் அறிகுறியாகவும் இதனைக் கருத வேண்டும், தற்போதைய சூழ்நிலையில் சமாதான வெளியுறவுக் கொள்கையின் அடிப்படையில், அதன் விளைவாக அது போர்க் கொள்கையை நாட நிர்ப்பந்திக்கப்படுகிறது. (கம்யூனிஸ்ட் அகிலத்தின் 7வது காங்கிரசுக்கான தனது அறிக்கையில் டிமிட்ரோவ் மேற்கோள் காட்டியுள்ளார்)

பாட்டாளி வர்க்கப் புரட்சிகர இயக்கத்தின் வரலாற்று அனுபவம் என்னவெனில், பாசிசம் முதலாளித்துவ வர்க்கம் தன் தரப்பில் உள்நாட்டுப் போரைத் தொடுத்ததன் விளைவு என்பதையும், அதே சமயம் பாட்டாளி வர்க்கம் உள்நாட்டுப் போரின் மறுபக்கத்தை, பாட்டாளி வர்க்கத் தரப்பைத் தனது சொந்த அணிகளுக்குள்ளேயே இருந்து தடுக்கப்படுவதிலிருந்து தடுக்கப்படுவதையும் காட்டுகிறது.

முதலாளித்துவ வர்க்கத்தின் தாக்குதல் பரந்த எதிர்ப்பை உருவாக்குகிறது என்பது தெளிவு. தாக்குதலுக்கு எதிராக பாட்டாளி வர்க்கம் தன்னைப் பாதுகாத்துக் கொள்ள வேண்டும்; அது தனது வாழ்க்கைத் தரம், அரசியல் உரிமைகள், பொருளாதார, அரசியல் அமைப்புக்கள் போன்றவற்றைப் பாதுகாக்க வேண்டும். பாசிச எதிர்ப்பு, ஏகபோக எதிர்ப்பு கூட்டணி என்ற வடிவில் பாசிசத்தை எதிர்க்கும் ஒரு இயக்கத்தை வழிநடத்த திருத்தல்வாதிகள் நிச்சயமாக முயற்சிப்பார்கள். முதலாளித்துவ ஜனநாயகம் தொடர்வதற்கு அடிப்படையாக இருந்த பழைய வர்க்க நல்லிணக்கத்தை மீட்டமைப்பதே இந்தத் திருத்தல்வாதத் தலைமையிலான இயக்கத்தின் நோக்கமாகும். இது மக்களில் ஒரு கணிசமான அடித்தளத்தின் நலன்களைப் பிரதிபலிக்கிறது, இந்த அடித்தளம் சிதைந்து கொண்டிருக்கிறது என்பது உண்மைதான், ஆனால் அதன் அரசியல் உணர்வு அதன் புதிய நிலைமைகளுக்கு எப்போதும் பின்தங்கியே உள்ளது. குட்டி முதலாளித்துவ வர்க்கத்தையும் பாட்டாளி வர்க்கத்தின் உயர் அடுக்கையும் பிரதிபலிக்கும் அரசியல், முதலாளித்துவ அமைப்புமுறையை ஒட்டுமொத்தமாக பேணுவதற்கு போராடும் அதேவேளையில், முதலாளித்துவத்தின் தங்களின் மீதான அதன் விளைவுகளுக்கு எதிராக போராடுவதாகும். முதலாளித்துவ வர்க்கத்தின் பாசிச சக்திகளின் தாக்குதலின் கீழ், லட்சக்கணக்கான சிறு உற்பத்தியாளர்கள், திறமையான தொழிலாளர்கள் மற்றும் அறிவுஜீவிகள் முதலாளித்துவ சமுதாயத்தில் தங்கள் பழைய அந்தஸ்தைப் பாதுகாக்க பாசிசத்திற்கு எதிராகப் போராடுவார்கள். சில தாராளவாத பூர்ஷ்வாக்கள் கூட அரசியலமைப்புச் சட்டத்தை மீறுவதை எதிர்க்கத் தயாராக இருக்கலாம். 

இவ்வாறு எதிர்ப்பு என்ற குடையின் கீழ் ஒற்றுமைக்கு ஒரு தற்காலிக அடிப்படை நிலவுகிறது. இந்த எதிர்ப்புதான் நம்மிடம் உள்ள ஒரே ஆயுதம் என்று திருத்தல்வாதிகள் தட்டையாகக் கூறுகிறார்கள். பாட்டாளி வர்க்கத்தை "பாதுகாப்பதில்" தாராளவாத முதலாளித்துவ வர்க்கத்தின் மேலாதிக்கத்திற்கான சித்தாந்த அடித்தளத்தை திருத்தல்வாதிகள் ஏற்கனவே தயாரித்து வருகின்றனர்.

திருத்தல்வாதம் மார்க்சியத்திற்கு எதிரானது; அது போராட்டத்தை மட்டுப்படுத்தி மூலோபாய பாதுகாப்பு என்ற எல்லைக்குள் வைத்திருக்க முயல்கிறது. புரட்சிகர மார்க்சியம் மட்டுமே இதைத் தெளிவுபடுத்த முடியும். வரலாற்றிலிருந்து நாம் கற்றுக்கொள்ளும் பாடம் என்னவென்றால், பாசிசத்திற்கு எதிரான மக்கள் எதிர்ப்பு இயக்கத்தை வழிநடத்தும் ஒரு வலுவான கம்யூனிஸ்ட் கட்சி பாசிசத்தை வெற்றிகரமாக முறியடிக்க முடியும்; ஆனால் அத்தகையதொரு இயக்கம் தன்னை பாதுகாத்துக் கொள்ள வேண்டுமானால் அது தாக்குதலுக்கு செல்ல வேண்டும் என்பதை புரிந்து கொள்ளாவிட்டால் , பாசிசம் தோற்கடிக்கப்படாது , தற்காலிகமாக மட்டுமே தாமதப்படுத்தப்படும் . பாட்டாளி வர்க்கப் புரட்சி ஒன்றுதான் உண்மையில் பாசிசத்தைத் தோற்கடிக்கும் என்பதை ஒடுக்கப்பட்ட மக்கள் தமது சொந்த அனுபவத்தின் வாயிலாகக் காணும் போதுதான், பாசிசத்தின் தோல்வி நிச்சயமாகும்.

- தோழமையுடன் வினோத் வில்சன்

https://www.facebook.com/100024265962196/posts/1979995919485921/?rdid=jJLkOBoQxOhCWpgA

Disclaimer: இந்தப் பகுதி கட்டுரையாளரின் பார்வையை வெளிப்படுத்துகிறது. செய்திக்காகவும் விவாதத்திற்காகவும் இந்த தளத்தில் வெளியிடுகிறோம் – செந்தளம் செய்திப் பிரிவு