இந்தியாவில் தொழிற்சாலை தொழிலாளி ஒருவர் எவ்வளவு சம்பாதிக்கிறார்?
ஹிந்துஸ்தான் டைம்ஸ் - தமிழில்: வெண்பா
நொய்டாவில் தொழிற்சாலை தொழிலாளர்கள் நடத்திய போராட்டங்கள், இந்தியாவின் உற்பத்தித் துறைசார் தொழிலாளர்களின் பொருளாதார ரீதியிலான பாதுகாப்பற்ற நிலையை வெளிச்சம் போட்டுக் காட்டியுள்ளன. போராட்டத்தில் ஈடுபடும் தொழிலாளர்களில் சிலர் வெறும் ₹20,000 மாதச் சம்பளத்தையே கோரிக்கையாக முன்வைப்பது, அலுவலகப் பணிகளில் (white-collar jobs) இருக்கும் பல இந்தியர்களுக்கு யதார்த்தத்தை உணர்த்தும் செய்தியாக அமைகிறது. இந்தியாவில் ஒரு சராசரி தொழிற்சாலை தொழிலாளி உண்மையில் எவ்வளவு சம்பாதிக்கிறார்? இந்தக் கேள்விக்கான விடையைக் கண்டறிய, இந்திய தொழிலாளர் சந்தை குறித்த அதிகாரப்பூர்வ தரவான '2025-ஆம் ஆண்டுக்கான காலமுறை தொழிலாளர் பட்டாள கணக்கெடுப்பை' (Periodic Labour Force Survey - PLFS) ஹிந்துஸ்தான் டைம்ஸ் (HT) பயன்படுத்தியுள்ளது.
உற்பத்தித் துறையில் ஒரு தொழிலாளியின் சராசரி மாத வருமானம் ₹18,735 ஆகும். இது இந்தியாவின் ஏனைய துறைகளில் பணிபுரியும் சராசரி தொழிலாளியின் மாத வருமானமான ₹22,699-ஐ விடக் குறைவு.
நொய்டாவில் தொழிற்சாலை தொழிலாளர்கள் நடத்திய போராட்டங்கள், இந்திய உற்பத்தித் துறை தொழிலாளர்களின் பொருளாதார ரீதியான பாதுகாப்பற்ற சூழலை வெளிச்சம் போட்டுக் காட்டியுள்ளன. போராட்டத்தில் ஈடுபடும் சில தொழிலாளர்கள் வெறும் ₹20,000 மாதச் சம்பளமாகக் கேட்பது, உயர்மட்ட அலுவலகப் பணிகளில் (white-collar jobs) உள்ள பல இந்தியர்களுக்கு கசப்பான உண்மையை உணர்த்துகிறது. இந்தியாவில் தொழிற்சாலை தொழிலாளி ஒருவர் சராசரியாக எவ்வளவு சம்பாதிக்கிறார்? இந்தக் கேள்விக்கு விடையளிக்க வேண்டுமெனில், இந்திய தொழிலாளர் சந்தை குறித்த அதிகாரப்பூர்வ தரவான '2025-ஆம் ஆண்டுக்கான காலமுறை தொழிலாளர் பட்டாள கணக்கெடுப்பை' (PLFS) ஆய்வு செய்ய வேண்டும்.
இந்தியத் தொழிலாளர்களில் 25 சதவீதம் பேர் மாதச் சம்பளம் பெறுபவர்கள். இதில் உற்பத்தித் துறை சார்ந்த மாதச் சம்பளத் தொழிலாளர்கள் இந்தியாவின் மொத்தத் தொழிலாளர்களில் 5.8 சதவீதத்தினர் ஆவர். உற்பத்தித் துறைசார் மாதச் சம்பளத் தொழிலாளியின் சராசரி மாத வருமானம் ₹18,735 ஆகும். இது இந்தியாவின் ஏனைய துறைகளில் பணிபுரியும் தொழிலாளர்களின் சராசரி வருமானமான ₹22,699-ஐ விடக் குறைவு. இன்னும் ஆச்சரியமான தகவல் என்னவென்றால், மாதம் வெறும் ₹22,500 சம்பாதிப்பவரே நாட்டின் உற்பத்தித் துறையில் அதிக ஊதியம் பெறும் முதல் 20% தொழிலாளர்களில் ஒருவராகிறார். ஆனால், ஒட்டுமொத்த மாதச் சம்பளத் தொழிலாளர்களின் சராசரியில் இந்த அளவு ₹32,000 ஆக உள்ளது.
வரைபடம் 1: உற்பத்தித் துறை தொழிலாளர்களுக்கு குறைந்த ஊதியம் வழங்கப்படுவது மட்டுமல்லாமல், அவர்கள் பெரும்பாலும் அடிப்படை உரிமைகள் ஏதுமின்றி வேலை செய்கிறார்கள்.
வரைபடம் 2: தொழிலாளர்களின் வயது அதிகரிக்க அதிகரிக்க, உற்பத்தித் துறையில் கிடைக்கும் வருமானம் குறைந்து கொண்டே செல்கிறது.
உற்பத்தித் துறையில் நீண்ட கால வாழ்க்கையை செலவிடும் தொழிலாளிக்கு இது கவலையளிக்கும் புள்ளிவிவரமாகும். 15 முதல் 18 வயது வரையிலான இளந்தொழிலாளர்கள் குழுவில், உற்பத்தித் துறை தொழிலாளர்களின் சராசரி ஊதியம் நாட்டின் பொதுவான சராசரி ஊதியத்தை விட அதிகமாக உள்ளது. இருப்பினும், வயது அதிகமாகும் போது இந்த நிலை தலைகீழாக மாறுகிறது. 40 வயதைக் கடந்த தொழிலாளர்களின் சராசரி ஊதியம், அதே வயதுடைய மற்ற துறைகளைச் சார்ந்த தொழிலாளியின் சராசரி சம்பளத்தை விட 20% குறைவாகவே உள்ளது.
வரைபடம் 3: ஒப்பந்த தொழிலாளர் முறை (contract work) வேகமாக அதிகரித்ததானது, சராசரி உற்பத்தித் துறை தொழிலாளியின் நிலையை இன்னும் மோசமாக்கியுள்ளது.
பதிவுசெய்யப்பட்ட உற்பத்தித் துறையை உள்ளடக்கிய தொழில்துறைகளின் வருடாந்திர கணக்கெடுப்பானது (ASI), ஒப்பந்ததாரர் மூலம் வேலைக்கு அமர்த்தப்பட்டவரை (எழுத்துப்பூர்வ ஒப்பந்தம் இல்லாவிட்டாலும் கூட) 'ஒப்பந்தத் தொழிலாளி' என வரையறுக்கிறது. இத்தகைய தொழிலாளர்கள், தொழிற்சாலையினால் நேரடியாக நியமிக்கப்பட்டவர்களை விடக் குறைவான ஊதியம் பெறுபவர்களாகவும், எந்தவித சலுகைகளும் அற்றவர்களாகவும் இருக்கிறார்கள். இந்த நூற்றாண்டின் தொடக்கத்திலிருந்தே இந்திய தொழிற்சாலைகளில் இத்தகைய ஒப்பந்தத் தொழிலாளர்களின் எண்ணிக்கை இரண்டு மடங்குக்கும் மேலாக அதிகரித்துள்ளது என்று ASI தரவுகள் காட்டுகின்றன: அதாவது 2000-01 இல் 20 சதவீதமாக இருந்தது; 2023-24 இல் அது 42 சதவீதமாக உயர்ந்துள்ளது.
வரைபடம் 4:
நிச்சயமாக, இந்தச் சூழல்கள் எதுவும் தற்போதைய போராட்டங்களுக்குத் தூண்டுதலாக இருந்திருக்காது. சமையல் எரிவாயு போன்ற பொருட்களின் விலையில் ஏற்பட்ட அண்மைக்கால பணவீக்க அதிர்ச்சியும், ஏற்கனவே கடும் பொருளாதார நெருக்கடியில் சிக்கி தவித்து வந்த தொழிலாளர்களின் தேக்கி வைக்கப்பட்ட கோபமுமே இந்தப் போராட்டங்களுக்குக் காரணமாக இருக்கக்கூடும்.
தமிழில்: வெண்பா
