செயற்கை நுண்ணறிவின் பின்னிருக்கும் உழைப்பு சுரண்டல்
நாடுகடந்த தொழிலாளர்களை ஒழுங்கமைப்பதை ஆதரிப்பது "நெறிமுறை (ethical) AI" க்கான போராட்டத்தின் மையமாக இருக்க வேண்டும்.
செயற்கை நுண்ணறிவு (AI) பற்றிய பொதுமக்களின் புரிதல் பெரும்பாலும் "தி டெர்மினேட்டர்" போன்ற பிளாக்பஸ்டர் திரைப்படங்கள் மற்றும் இயந்திரங்கள் முரட்டுத்தனமாகச் சென்று மனிதகுலத்தை அழிக்கும் டூம்ஸ்டே காட்சிகளால் ஆன பாப் கலாச்சாரத்தால் வடிவமைக்கப்பட்டுள்ளது. இந்த வகையான AI விவரிப்பும் செய்தி நிறுவனங்களின் கவனத்தை ஈர்க்கிறது: ஒரு கூகுள் பொறியாளர் அதன் சாட்பாட் (Chatbot) உணர்வுப்பூர்வமானது என்று கூறுவது சமீபத்திய மாதங்களில் அதிகம் விவாதிக்கப்பட்ட AI தொடர்பான செய்திகளில் ஒன்றாகும், இது ஸ்டீபன் கோல்பர்ட்டின் மில்லியன் கணக்கான பார்வையாளர்களை கூட தாண்டியது. ஆனால் சூப்பர் இன்டெலிஜன்ட் இயந்திரங்களுக்கான யோசனை மற்றும் முடிவெடுக்கும் திறன் உண்மைக்கு வெகு தொலைவில் இல்லை - இந்த AI அமைப்புகளின் வளர்ச்சியானது மனிதனுக்கு ஏற்படும் உண்மையான அபாயங்களிலிருந்து நம்மைத் திசைதிருப்புகிறது. இல்லாத உணர்வுப்பூர்வமான இயந்திரங்களால் மக்கள் திசைதிருப்பப்பட்டாலும், செயற்கை நுண்ணறிவு அமைப்புகளின் சாதனைகள் எனக் கூறப்படுவதற்குப் பின்னால் அமைப்பாக்கப்பட்ட தொழிலாளர் பட்டாளம் உள்ளது.
இந்த அமைப்புகளில் பல சிலிக்கான் பள்ளத்தாக்கில் அமைந்துள்ள பன்னாட்டு நிறுவனங்களால் உருவாக்கப்பட்டன, அவை அதிகாரத்தை ஒருங்கிணைத்து வருகின்றன, இது மனித வரலாற்றில் முன்னெப்போதுமில்லாதது என்று பத்திரிகையாளர் கிடியோன் லூயிஸ்-க்ராஸ் குறிப்பிடுகிறார். தேவையான சம்பளம், சலுகைகள் அல்லது ஆட்களை வேலைக்கு அமர்த்துவது தொடர்பான பிற செலவுகள் இல்லாமல், ஒரு நாள் மக்கள் செய்யக்கூடிய அனைத்து பணிகளையும் மேலும் பலவற்றையும் செய்யக்கூடிய தன்னாட்சி அமைப்புகளை உருவாக்க அவர்கள் முயற்சி செய்கிறார்கள். இந்த கார்ப்பரேட் நிர்வாகிகளின் கற்பனாவாதம் உண்மையில் இருந்து வெகு தொலைவில் இருந்தாலும், அதை உணர்ந்து கொள்வதற்கான அணிவகுப்பு உலகளாவிய கீழ்த்தட்டு வர்க்கத்தை உருவாக்கியுள்ளது, மானுடவியலாளர் மேரி எல். கிரே மற்றும் கணக்கீட்டு சமூக விஞ்ஞானி சித்தார்த் சூரி ஆகியோர் AIல் பின்னிருந்து இயக்கும் மனித உழைப்பு உள்ளதால் அதை ரகசிய வேலை (ghost work) என்று அழைக்கிறார்கள்.
"AI ஃபர்ஸ்ட்" என்று தங்களை முத்திரை குத்திக் கொண்ட தொழில்நுட்ப நிறுவனங்கள், டேட்டா லேபிலர்கள், டெலிவரி டிரைவர்கள் மற்றும் உள்ளடக்க மதிப்பீட்டாளர்கள் போன்ற பெரிதும் கண்காணிக்கப்படும் அமைப்புச் சாரா ஆனலைன் தொழிலாளர்களை (gig workers) சார்ந்துள்ளது. தங்கள் தயாரிப்புகளில் AI என்று அழைக்கப்படுவதை இணைக்கும் துணிகர முதலீட்டாளர்களின் (Venture Capitalists) அழுத்தத்தின் காரணமாக ஸ்டார்ட்அப்கள் சாட்போட்கள் போன்ற AI அமைப்புகளைப் போல மாறிக்கொண்டே இருக்கும் ஆட்களை வேலைக்கு அமர்த்துகின்றன. உண்மையில், லண்டனைச் சார்ந்த வென்ச்சர் கேபிடல் நிறுவனமான எம்எம்சி வென்ச்சர்ஸ் ஐரோப்பிய ஒன்றியத்தில் 2,830 AI ஸ்டார்ட்அப்களை ஆய்வு செய்து அவைகளில் 40% சதவீதம் AIஐ முறையாக பயன்படுத்தவில்லை என்பதைக் கண்டறிந்தனர்.
ஊடகங்கள் மற்றும் பாப் கலாச்சாரத்தில் சித்தரிக்கப்படும் அதிநவீன, உணர்வுபூர்வமான இயந்திரங்களுக்குப் பதிலாக, AI அமைப்புகள் உலகெங்கிலும் உள்ள மில்லியன் கணக்கான குறைவான ஊதியம் பெறும் தொழிலாளர்களால் இயக்கப்படுகின்றன, மோசமான பணிச்சுமைகளுக்கு தொழிலாளர் ஆளாக்கப்பட்டு வருகின்றனர். சிலிக்கான் பள்ளத்தாக்கு நிறுவனங்களில் "AI ஆராய்ச்சியாளர்கள்" ஆறு இலக்க சம்பளம் பெறுவது போலல்லாமல், இந்த சுரண்டப்படும் தொழிலாளர்கள் பெரும்பாலும் வறிய மக்களில் இருந்து பணியமர்த்தப்படுகிறார்கள் - அவர்களுக்கு மணிக்கு வெறும் 1.46 டாலர்கள் மட்டுமே கொடுக்கப்படுகிறது. ஆயினும்கூட, AI அமைப்புகளின் நெறிமுறை மேம்பாடு மற்றும் வளரச்சி ஆகியவற்றை பற்றிய விவாதங்களில் உழைப்புச் சுரண்டல் குறித்து பேசப்படுவதே இல்லை. இந்தக் கட்டுரையில், AI அமைப்புகள் எனப்படும் உழைப்புச் சுரண்டல் உந்துதலுக்கான எடுத்துக்காட்டுகளை பார்ப்போம், மேலும் AI நெறிமுறைகள் தொடர்பான விவாதங்களில் நாடுகடந்த தொழிலாளர்களை ஒழுங்கமைக்கும் முயற்சிகளை ஆதரிப்பது முன்னுரிமையாக இருக்க வேண்டும் என்றும் வாதிடுகிறோம்.
செயற்கை நுண்ணறிவு தொடர்பான பணிகளுடன் நெருங்கிய தொடர்பு கொண்டவர்கள் என்பதால் இதை எழுதுகிறோம். அட்ரியன் ஒரு முன்னாள் அமேசான் டெலிவரி செய்பவர், அவர் தன்னியக்க அமைப்புகளால் நிறுவப்பட்ட கண்காணிப்புகளையும் போலியான ஒதுக்கீட்டின் தீமைகளையும் அனுபவித்தவர். மிலாக்ரோஸ், குறிப்பாக சிரியா, பல்கேரியா மற்றும் அர்ஜென்டினாவில் உள்ள தரவுக் குறிப்பாளர்களுடன் (data workers) நெருக்கமாகப் பணியாற்றிய ஒரு ஆராய்ச்சியாளர். டிம்னிட் ஒரு ஆராய்ச்சியாளர், AI அமைப்புகளின் தீமைகளை வெளிக்கொணர்ந்ததற்காக தாக்கப்பட்டனர்.
இயந்திரங்களைப் போல தொழிலாளர்களை நடத்துதல்
AI என தற்போது விவரிக்கப்பட்டுள்ளவற்றில் பெரும்பாலானவை புள்ளியியல் இயந்திரக் கற்றலை (Statistical machine learning) அடிப்படையாகக் கொண்ட ஒரு அமைப்பாகும், குறிப்பாக, செயற்கை வலைபின்னல் வழியாக ஆழமான கற்றல் (deep learning), "கற்றுக்கொள்வதற்கு" மகத்தான அளவு தரவு தேவைப்படும் ஒரு முறை. ஆனால் சுமார் 15 ஆண்டுகளுக்கு முன்பு அதாவது ஜிக் (gig) வேலைகள் பெருகுவதற்கு முன்பு, டீப் லேர்னிங் சிஸ்டம்ஸ் வெறும் கற்றல் ஆர்வமாக மட்டுமே கருதப்பட்டன, அதுவும் ஆர்வமுள்ள சில ஆராய்ச்சியாளர்களுக்கு மட்டுமே.
இருப்பினும், 2009 ஆம் ஆண்டில், ஜியா டெங்கு குழுவினர் இமேஜ்நெட் தரவுத்(data)தொகுப்பை வெளியிட்டனர், அது இணையத்திலிருந்து ஸ்கிராப் செய்யப்பட்ட படங்களும் அமேசானின் மெக்கானிக்கல் டர்க் தளத்தின் மூலம் வெளியிடப்பட்ட மிகப் பெரிய படத் தரவுத்தொகுப்புமாகும். அமேசான் மெக்கானிக்கல் டர்க், "செயற்கையான செயற்கை நுண்ணறிவு" என்ற குறிக்கோளுடன், "மந்தை வேலை (crowd work)" என்பதை பிரபலப்படுத்தியது: பெரிய அளவிலான நேரத்தைச் செலவழிக்கும் வேலைகளை பிரித்து உலகெங்கிலும் உள்ள மில்லியன் கணக்கான மக்களால் விரைவாக முடிக்கக்கூடிய சிறிய பணிகளாக மெக்கானிக்கல் டர்க் அறிமுகப்படுத்தப்பட்டதன் மூலம், தீர்க்க முடியாத பணிகள் திடீரென்று சாத்தியமாக்கப்பட்டன; எடுத்துக்காட்டாக, ஒரு மில்லியன் படங்களை கையால் லேபிளிடுவது, இணையாக பணிபுரியும் ஆயிரம் அநாமதேய நபர்களால் தலைக்கு ஆயிரம் என தானாகவே செயல்படுத்தப்படும். அப்புறமென்ன, இததை ஒரு பல்கலைக்கழகம் கூட வாங்கக்கூடிய விலையில் கிடைக்கும்: ஆனால்.இப்பணியை.முடித்த மந்தை தொழிலாளர்களுக்கு கொடுக்கப்படும் ஊதியம் சொற்பமே.
இமேஜ்நெட் தரவுத்தொகுப்பு மாபெரும் இமேஜ்நெட் விஷுவல் ரெகக்னிஷன் சேலஞ்ச் ஆக மாறியது, அங்கு ஆராய்ச்சியாளர்கள் தரவுத்தொகுப்பைப் பயன்படுத்தி, படத்தில் உள்ள பொருளின் வகை, மரம் அல்லது பூனை போன்றவறறை பட அங்கீகாரம் (image recognition) செய்யும் மாதிரிகளைப் பயிற்றுவிக்கவும் சோதனை செய்யவும் பயன்படுத்தினர். டீப் லேர்னிங் அல்லாத மாதிரிகள் அந்த நேரத்தில் மிகத் துல்லியத்துடன் இந்தப் பணிகளைச் செய்திருந்தாலும், 2012ல், அலெக்ஸ்நெட் என அழைக்கப்படும் டீப் லேர்னிங் அடிப்படையிலான வடிவமைப்பு மற்ற எல்லா மாடல்களையும் விட சிறப்பாக செயல்பட்டது. இதுவே டீம் லேர்னிங் அடிப்படையிலான மாதிரிகளை பிரதான பயன்பாட்டிற்கு கொண்டு வந்து, இன்று நம்மை அடைந்துள்ளது, உலகெங்கிலும் உள்ள குறைந்த ஊதிய ஜிக் தொழிலாளர்களால் கொணரப்பட்ட தரவு தேவைப்படும் மாதிரிகள் பன்னாட்டு நிறுவனங்களால் பெருக்கப்படுகின்றன. இணையத்தில் இருந்து ஸ்கிராப் செய்யப்பட்ட தரவை லேபிளிடுவதுடன், சில வேலைகளில் ஜிக் பணியாளர்களும் தரவை வழங்குகிறார்கள், அதாவது செல்ஃபிகள், நண்பர்கள் மற்றும் குடும்பத்தினரின் படங்கள் அல்லது அவர்களைச் சுற்றியுள்ள பொருட்களின் படங்களை பதிவேற்ற வேண்டும்.
2009ல் அமேசானின் மெக்கானிக்கல் டர்க் முக்கிய க்ரவுட் வொர்க்கிங் தளமாக இருந்து போலில்லாமல், தற்போது டேட்டா லேபிளிங் நிறுவனங்கள் வெடித்து கிளம்பியுள்ளன. இந்த நிறுவனங்கள் தரவு லேபிளர்களுக்கு சராசரியாக 1.77 டாலர் மட்டும் வழங்கி வென்சர் கேபிடல் மூலம் நூற்றுக்கணக்கான மில்லியன் வரை திரட்டுகின்றன. டேட்டா லேபிளிங் புரோக்கர்கள், மந்தை தொழிலாளர்களை இயந்திரங்களைப் போல நடத்துவதற்கு உருவாகியுள்ளன, அடிக்கடி அவர்களுக்கு கடுமையான இலக்குகளை நிர்ணயிக்கின்றன, தானியங்கு கருவிகள் மூலம் அவர்களின் இயக்கங்களைக் கண்காணிக்கின்றன, தவறுவோரை தண்டிக்கின்றன. இன்று, கற்றல் திறன் சவாலுக்கு அப்பாற்பட்டு, "AI ஃபர்ஸ்ட்" என்று கூறிக்கொள்ளும் பெரிய நிறுவனங்கள், டேட்டா தொழிலாளர்கள், உள்ளடக்க மதிப்பீட்டாளர்கள், கிடங்கு பணியாளர்கள் மற்றும் டெலிவரி செய்பவர் போன்ற குறைவான ஊதியம் பெறும் ஜிக் தொழிலாளர்களின் பட்டாளத்தால் இயக்கப்படுகின்றன.
எடுத்துக்காட்டாக, கொடுக்கப்பட்ட தளத்திற்குப் பொருத்தமற்றதாகக் கருதப்படும் உள்ளடக்கத்தைக் கண்டறிந்து குறியிடுவதற்கு உள்ளடக்க மதிப்பீட்டாளர்கள் பொறுப்பாவார்கள். அவர்களின்றி சமூக ஊடகத் தளங்கள் முற்றிலும் பயன்படுத்த முடியாதவையாக இருக்கும். தளங்களின் கொள்கைகளை மீறும் வெறுப்பூட்டும் பேச்சு, போலிச் செய்திகள், வன்முறை அல்லது பிற வகையான உள்ளடக்கங்களைக் கொண்ட உரைகள் மற்றும் படங்களை கண்டறிய தானியங்கு அமைப்புகளுக்குப் பயிற்சியளிக்கிறார்கள். ஆன்லைன் தளங்களைப் பாதுகாப்பாக வைத்திருப்பது மற்றும் AI அமைப்புகளைப் பயிற்றுவிப்பது ஆகிய இரண்டிலும் உள்ளடக்க மதிப்பீட்டாளர்கள் முக்கியப் பங்கு வகிக்கிறார்கள் என்றாலும், தொழில்நுட்ப நிறுவனங்களுக்காகப் பணிபுரியும் போது அவர்களுக்கு மோசமான ஊதியம் வழங்கப்படுகிறது மற்றும் நெருக்கமாகக் கண்காணிக்கப்படும்போது கடினமான இலக்குகளை முடிக்க வேண்டிய கட்டாயத்தில் உள்ளனர்.
தளத்தில் பார்வைக்கு வராத ஒவ்வொரு கொலை, தற்கொலை, பாலியல் வன்கொடுமை அல்லது சிறுவர் துஷ்பிரயோக வீடியோவும் ஒரு உள்ளடக்க மதிப்பீட்டாளரால் அல்லது உள்ளடக்க மதிப்பீட்டாளரால் வழங்கப்பட்ட தரவுகளால் பயிற்சியளிக்கப்பட்ட தானியங்கு அமைப்பால் பார்க்கப்பட்டு குறியிடப்பட்டது. இந்தப் பணிகளைச் செய்யும் ஊழியர்கள், இந்த கொடூரமான உள்ளடக்கத்தை தொடர்ந்து பார்ப்பதால், பதட்டம், மனச்சோர்வு மற்றும் மனஉளைச்சல் சீர்கேடு ஆகியவற்றால் பாதிக்கப்படுகின்றனர்.
மனநல பாதுகாப்பற்ற ஒரு அதிர்ச்சிகரமான பணிச்சூழலை அனுபவிப்பதைத் தவிர, இந்தத் தொழிலாளர்கள் மீண்டும் மீண்டும் செய்யும் பணிகளில் இருந்து விலகிச் சென்றால் கண்காணிக்கப்பட்டு தண்டிக்கப்படுவார்கள். எடுத்துக்காட்டாக, கென்யாவில் மெட்டாவால் ஒப்பந்தம் செய்யப்பட்ட சாமா உள்ளடக்க மதிப்பீட்டாளர்கள் கண்காணிப்பு மென்பொருள் மூலம் கண்காணிக்கப்படுகிறார்கள், வீடியோவின் நீளம் அல்லது அது எவ்வளவு தொந்தரவு தருகிறது என்பதைப் பொருட்படுத்தாமல் 50 வினாடிகளுக்குள் வீடியோக்களில் வன்முறை குறித்து முடிவெடுப்பதை உறுதிசெய்கிறார்கள். சில உள்ளடக்க மதிப்பீட்டாளர்கள் அவ்வாறு செய்யத் தவறினால், சில மீறல்களுக்குப் பிறகு நிறுத்தப்படலாம் என்று அஞ்சுகின்றனர். "எல்லாவற்றுக்கும் மேலாக வேகம் மற்றும் செயல்திறனுக்கு முன்னுரிமை அளிப்பதன் மூலம், எத்தியோப்பியாவில் ஃபேஸ்புக்கின் மேடையில் வெறுக்கத்தக்க பேச்சு மற்றும் வன்முறையைத் தூண்டும் வீடியோக்கள் ஏன் இருக்கின்றன என்பதை இந்தக் கொள்கை விளக்கக்கூடும்" என்று டைம் இதழ் தெரிவித்துள்ளது.
உள்ளடக்க மதிப்பீட்டாளர்கள் இல்லாமல் செயல்படாத சமூக ஊடக தளங்களைப் போலவே, அமேசான் போன்ற இ-காமர்ஸ் நிறுவனங்களும் கிடங்கு பணியாளர்கள் மற்றும் டெலிவரி டிரைவர்களின் படைகளால் நடத்தப்படுகின்றன. உள்ளடக்க மதிப்பீட்டாளர்களைப் போலவே, இந்தத் தொழிலாளர்கள் இருவரும் இயங்குதளங்களைச் செயல்பட வைத்து, அமேசான் ஒரு நாள் அவற்றை மாற்றுவதற்குப் பயன்படுத்தக்கூடிய AI அமைப்புகளுக்கான தரவை வழங்குகிறார்கள்: கிடங்குகளில் பேக்கேஜ்களை வைத்திருக்கும் ரோபோக்கள் மற்றும் வாடிக்கையாளர்களுக்கு இந்தத் தொகுப்புகளை வழங்கும் சுய இயக்கு (self-driving) கார்கள். இதற்கிடையில், இந்த தொழிலாளர்கள் நிலையான கண்காணிப்பின் அழுத்தத்தின் கீழ் மீண்டும் மீண்டும் பணிகளைச் செய்ய வேண்டும் - சில நேரங்களில், அவர்களின் உயிருக்கு ஆபத்து ஏற்படும் மற்றும் பெரும்பாலும் கடுமையான தசைக்கூட்டு காயங்களை விளைவிக்கும்.
அமேசான் கிடங்கு ஊழியர்கள் கேமராக்கள் மற்றும் அவற்றின் சரக்கு ஸ்கேனர்கள் மூலம் கண்காணிக்கப்படுகிறார்கள், மேலும் ஒரே வசதியில் பணிபுரியும் அனைவரிடமிருந்தும் மொத்த தரவுகளின் அடிப்படையில் ஒவ்வொரு பணியையும் மேலாளர்கள் தீர்மானிக்கும் நேரங்களுக்கு எதிராக அவர்களின் செயல்திறன் அளவிடப்படுகிறது. அவர்களுக்கு ஒதுக்கப்பட்ட பணிகளில் இருந்து விலகி இருக்கும் நேரம் கண்காணிக்கப்பட்டு, தொழிலாளர்களை ஒழுங்குபடுத்த பயன்படுத்தப்படுகிறது.
கிடங்கு பணியாளர்களைப் போலவே, அமேசான் டெலிவரி டிரைவர்களும் தானியங்கி கண்காணிப்பு அமைப்புகள் மூலம் கண்காணிக்கப்படுகிறார்கள்: மென்டர் செயலியானது மீறல்கள் என்று அழைக்கப்படும் மதிப்பெண்களின் அடிப்படையில் கணக்கிடப்படுகிறது. அமேசானின் நம்பத்தகாத டெலிவரி நேர எதிர்பார்ப்புகள், பல ஓட்டுநர்களை ஒரு நாளைக்கு ஒதுக்கப்பட்ட தொகுப்புகளின் எண்ணிக்கையை வழங்குவதை உறுதிசெய்ய ஆபத்தான நடவடிக்கைகளை எடுக்கத் தூண்டுகிறது. உதாரணமாக, ஒருவர் ஒரு நாளைக்கு சுமார் 90-300 முறை சீட் பெல்ட்டைக் கட்டுவதற்கும், அவிழ்ப்பதற்கும் எடுக்கும் நேரம், அவர்களைத் தங்கள் பாதையில் கால அட்டவணையில் வைக்கப் போதுமானது. அட்ரியன் மற்றும் அவரது சகாக்களில் பலர் தங்கள் சீட் பெல்ட்டை முதுகுக்குப் பின்னால் கட்டிக்கொண்டனர், இதனால் கண்காணிப்பு அமைப்புகள் பெல்ட்டைப் போட்டுக்கொண்டு வாகனம் ஓட்டுவதைப் பதிவு செய்தன.
2020 ஆம் ஆண்டில், அமெரிக்காவில் உள்ள அமேசான் ஓட்டுநர்கள் தங்கள் யுனைடெட் பார்சல் சேவை சகாக்களை விட கிட்டத்தட்ட 50% அதிக விகிதத்தில் காயமடைந்தனர். 2021 ஆம் ஆண்டில், அமேசான் ஓட்டுநர்கள் 100 ஓட்டுநர்களுக்கு 18.3 என்ற விகிதத்தில் காயமடைந்தனர், இது முந்தைய ஆண்டை விட கிட்டத்தட்ட 40% அதிகம். இந்த நிலைமைகள் டெலிவரி டிரைவர்களுக்கு மட்டும் ஆபத்தானது அல்ல - அமேசான் டெலிவரி டிரைவர்கள் சம்பந்தப்பட்ட விபத்துகளில் பாதசாரிகள் மற்றும் கார் பயணிகள் கொல்லப்பட்டனர் மற்றும் காயமடைந்துள்ளனர். அமேசானின் மென்பொருள் "சாத்தியமற்ற வழிகளில்" அனுப்பியதால், "நியாயமற்ற கோரிக்கைகள் மற்றும் நீண்ட மணிநேரங்களுக்கு" வழிவகுத்ததால், ஜப்பானில் சிலர் சமீபத்தில் வெளியேறி போராட்டத்தில் இறங்கினர். இருப்பினும், அமேசான் அத்தொழிலாளர்களை அதே தீமைகளோடு இயந்திரங்களைப் போல தொடர்ந்து நடத்துகிறது.
ஸ்கேனர்கள் மற்றும் கேமராக்கள் மூலம் அதன் தொழிலாளர்களைக் கண்காணிப்பதுடன், கடந்த ஆண்டு, நிறுவனம் அமெரிக்காவில் டெலிவரி டிரைவர்களை "பயோமெட்ரிக் ஒப்புதல்" படிவத்தில் கையொப்பமிட வேண்டும், அமேசான் ஓட்டுநர்களின் இயக்கங்களைக் கண்காணிக்க AI- இயங்கும் கேமராக்களைப் பயன்படுத்த அனுமதி வழங்கியது. கவனத்தை சிதறடித்து வாகனம் ஓட்டுதல் அல்லது வேகமாக ஓட்டுதல் மற்றும் சீட்பெல்ட் உபயோகத்தை உறுதி செய்தல். முக அங்கீகாரம் மற்றும் பிற பயோமெட்ரிக் தரவுகளை துல்லியமான கண்காணிப்பு கருவிகள் அல்லது AI-க்கு மேலும் பயிற்சி அளிக்க பயன்படுத்தப்படலாம் என்று தொழிலாளர்கள் பயப்படுவது நியாயமானதே. ஒப்புதல் படிவங்களில் உள்ள தெளிவற்ற வார்த்தைகள் துல்லியமான நோக்கத்தை விளக்கத்திற்கு திறந்து விடுகின்றன, மேலும் தொழிலாளர்கள் தங்கள் தரவின் தேவையற்ற பயன்பாடுகளை (அமேசான் அதை மறுத்திருந்தாலும்) முன்பே சந்தேகித்தனர்.
"AI" தொழில் இந்த குறைந்த ஊதியத் தொழிலாளர்களின் முதுகில் இயங்குகிறது, அவர்கள் ஆபத்தான நிலைகளில் வைக்கப்படுகிறார்கள், தொழிற்சங்கமாகும் உரிமை இல்லாத நிலையில், நெறிமுறையற்ற நடைமுறைகளுக்குள்ளாவது அல்லது வேலைகளை இழக்க நேரிடும் என்ற அச்சத்தில் சிறந்த வேலை நிலைமைகளைக் கோருவது கடினமாக்குகிறது. அகதிகள், சிறையில் அடைக்கப்பட்டவர்கள் மற்றும் சில வேலை வாய்ப்புகளைக் கொண்ட ஏழை மற்றும் பின்தங்கிய சமூகங்களைச் சேர்ந்தவர்களை வேலைக்கு அமர்த்துவதை நிறுவனங்கள் உறுதி செய்கின்றன. இதுபோன்ற பாதிக்கப்படக்கூடிய குழுக்களிடமிருந்து அதிகமானவர்களை பணியமர்த்த வேண்டும் என்றாலும், எந்த பாதுகாப்பும் இல்லாமல் கொள்ளையடிக்கும் முறையில் அதைச் செய்வதை ஏற்க முடியாது.
டேட்டா லேபிளிங் வேலைகள் பெரும்பாலும் "AI ஃபர்ஸ்ட்" பன்னாட்டு நிறுவனங்களின் சிலிக்கான் பள்ளத்தாக்கு தலைமையகத்திலிருந்து வெகு தொலைவில் வெனிசுலாவில் இருந்து செய்யப்படுகின்றன. பட அங்கீகார அமைப்புகளுக்கான தரவை லேபிள் செய்யும் பணியை பல்கேரியா வரை தொழிலாளர்கள் தங்களது வாகனங்களிலிருந்தே செய்கின்றனர். அங்கு சிரிய அகதிகள் செல்ஃபிகள் மூலம் முக அங்கீகார அமைப்புகளை அதாவது இனம், பாலினம் மற்றும் வயது வகைகளின்படி பெயரிடப்பட்டவற்றை.. இந்த பணிகள் பெரும்பாலும் இந்தியா, கென்யா, பிலிப்பைன்ஸ் அல்லது மெக்சிகோ போன்ற நாடுகளில் உள்ள ஆபத்தான தொழிலாளர்களுக்கு அவுட்சோர்ஸ் செய்யப்படுகின்றன. தொழிலாளர்கள் பெரும்பாலும் ஆங்கிலம் பேச மாட்டார்கள், ஆனால் ஆங்கிலத்தில் அறிவுறுத்தல்கள் வழங்கப்படுகின்றன. மேலும் அவர்கள் விதிகளை முழுமையாகப் புரிந்து கொள்ளவில்லை என்றால், கிரவுட் வேலை தளங்களில் இருந்து பணிநீக்கம் செய்யப்படுவார்கள் அல்லது தடை செய்யப்படுவார்கள்.
இந்த நிறுவனங்களுக்குத் தெரியும், அதிகரித்த தொழிலாளர் சக்தியானது, "AI" அமைப்புகளைப் பெருக்குவதை நோக்கிய அவர்களின் போக்கை மெதுவாக்கும், அதற்குப் போதுமான அளவு தரவுகள் தேவைப்படும், அவை போதுமான அளவு ஆய்வு செய்யாமலும் அவற்றின் தீமைகளை குறைக்காமலும் பயன்படுத்தப்படுகின்றன. உணர்வுள்ள இயந்திரங்களைப் பற்றிய பேச்சானது "AI" தொழிற்துறையை வலுப்படுத்தும் சுரண்டல் உழைப்பு நடைமுறைகளுக்கு அவற்றைப் பொறுப்பாக்குவதிலிருந்து நம்மைத் திசை திருப்புகிறது.
AI நெறிமுறைகளுக்கான (Ethics) அவசர முன்னுரிமை
நெறியான AI (Ethical AI), சமூக நலனுக்கான AI, அல்லது மனிதனை மையமாகக் கொண்ட AI ஆகியவற்றில் உள்ள ஆராய்ச்சியாளர்கள் பெரும்பாலும் தரவுகளை "சார்பற்ற" வெளிப்படைத்தன்மையோடும் நேர்மையோடும் கையாள்கின்றனர், AI துறையில் உழைப்புச் சுரண்டலை நிறுத்துவதே இதன் மையமாக இருக்க வேண்டும் என்று நாங்கள் வாதிடுகிறோம். அத்தகைய முயற்சிகள். உதாரணமாக, கென்யாவிலிருந்து அமெரிக்காவிற்கு உழைப்பைச் சுரண்டுவதற்கு பெருநிறுவனங்கள் அனுமதிக்கப்படாவிட்டால், அவர்களால் தீங்கு விளைவிக்கும் தொழில்நுட்பங்களை விரைவாகப் பெருக்க முடியாது - அவற்றின் சந்தைக் கணக்கீடுகள் அவ்வாறு செய்வதிலிருந்து அவர்களைத் தடுக்கும்.
எனவே, தொழிலாளர்களுக்கும் AI அமைப்புகளுக்கும் உள்ள சிக்கல்களைக் கண்டறியும் நோக்கில் ஆராய்ச்சி மற்றும் பொது முயற்சிகளுக்கு நிதியளிப்பதற்காக நாங்கள் பரிந்துரைக்கிறோம். AI நெறிமுறை பற்றிய ஆராய்ச்சியாளர்கள் தீங்கு விளைவிக்கும் AI அமைப்புகளை தொழில்துறையில் நியாயமற்ற தொழிலாளர் நிலைமைகளின் காரணங்கள் மற்றும் விளைவுகள் என பகுப்பாய்வு செய்ய வேண்டும். AI இல் உள்ள ஆராய்ச்சியாளர்கள் மற்றும் பயிற்சியாளர்கள் தங்கள் சொந்த வாழ்க்கையை முன்னேற்றுவதற்கு மந்தை தொழிலாளர்களைப் பயன்படுத்துவதைப் பற்றி சிந்திக்க வேண்டும், அதே நேரத்தில் மந்தை தொழிலாளர்கள் ஆபத்தான நிலையில் உள்ளனர். அதற்கு பதிலாக, AI நெறிமுறை சமூகம் அதிகாரத்தை தொழிலாளர்களின் கைகளுக்கு மாற்றும் முயற்சிகளில் செயல்பட வேண்டும். தொழிலாளர்களின் தேவைகளின் அடிப்படையில் ஆராய்ச்சி நிகழ்ச்சி நிரல்களை உருவாக்குதல், புவியியல் சார்ந்த தொழிலாளர்களை ஒழுங்கமைக்கும் முயற்சிகளை ஆதரித்தல் மற்றும் ஆராய்ச்சிக் கண்டுபிடிப்புகள் கல்வி வெளியீடுகளில் மட்டும் இல்லாமல் தொழிலாளர்களால் எளிதாக அணுகப்படுவதை உறுதி செய்தல் ஆகியவை சில உதாரணங்களாகும். லில்லி இரானி மற்றும் எம். சிக்ஸ் சில்பர்மேன் ஆகியோரால் உருவாக்கப்பட்ட டர்காப்டிகான் இயங்குதளம், "தொழிலாளர்கள் தங்கள் முதலாளிகளுடனான உறவுகளை தெரியப்படுத்தவும் மதிப்பீடு செய்யவும் அனுமதிக்கும் ஒரு அமைப்பு" இதற்கு ஒரு சிறந்த எடுத்துக்காட்டு.
ஊடகவியலாளர்களும் விஞ்ஞானிகளும் நமது அன்றாட வாழ்வில் உழைப்புச் சுரண்டல் மற்றும் தீங்கு விளைவிக்கும் AI தயாரிப்புகளுக்கு இடையேயான தொடர்பைத் தெளிவுபடுத்துவதன் மூலம், ஜிக் தொழிலாளர்கள் மற்றும் பிற பாதிக்கப்படக்கூடிய தொழிலாளர்களுடன் ஒற்றுமையயும் ஆதரவையும் வளர்ப்பதன் மூலம் உதவ முடியும். ஊடகவியலாளர்கள், சிரியாவில் உள்ள டேட்டா குறியீட்டாளரையோ (Data annotator) அல்லது அதிகமாக கண்காணிக்கப்படுவது உள்ளிட்ட பல அவமானங்களுக்கிடையேயும் தங்களின் வாழ்வாதரத்திற்காக ஓடும் அமெரிக்க அமேசான் டெலிவரி டிரைவரையோ ஏன் கவனிக்க வேண்டும் என்பதை பொது மக்களுக்குக் காட்ட முடியும்.
நாடுகடந்த தொழிலாளர்களை ஒழுங்கமைப்பதை ஆதரிப்பது "நெறிமுறை AI"க்கான போராட்டத்தின் மையமாக இருக்க வேண்டும். ஒவ்வொரு பணியிடமும் புவியியல் சூழலும் அதன் சொந்த தனித்தன்மைகளைக் கொண்டிருக்கும் போது, மற்ற இடங்களில் உள்ள தொழிலாளர்கள் இதே போன்ற சிக்கல்களைத் தவிர்ப்பது எப்படி என்பதை அறிவது, உள்ளூர் ஏற்பாடு மற்றும் தொழிற்சங்க முயற்சிகளுக்கு உத்வேகமாக இருக்கும். எடுத்துக்காட்டாக, அர்ஜென்டினாவில் உள்ள டேட்டா லேபிலர்கள் கென்யாவில் உள்ள உள்ளடக்க மதிப்பீட்டாளர்களின் சமீபத்திய தொழிற்சங்க முயற்சிகள் அல்லது அமெரிக்காவில் ஒழுங்கமைக்கும் அமேசான் மெக்கானிக்கல் டர்க் தொழிலாளர்கள் படிப்பினையை பரிமாறிக் கொள்ளலாம். மேலும், சிலிக்கான் பள்ளத்தாக்கில் அதிக ஊதியம் பெறும் பணியாளர்களும் அதிக கிராமப்புறங்களில் குறைந்த ஊதிய ஒப்பந்ததாரர்களை அவுட்சோர்ஸ் செய்யும் அல்பபெட் தொழிலாளர் சங்கத்தைப் போலவே, ஓர் இடத்தில் உள்ள தொழிற்சங்கமயமாக்கப்பட்ட தொழிலாளர்கள் மற்றொரு இடத்தில் சக ஊழியர்களின் மீதான கொடுமைக்கெதிராக முழங்கலாம்.
அதிக ஊதியம் பெறும் தொழில்நுட்பத் தொழிலாளர்களும் அவர்களை விட அதிக எண்ணிக்கையிலிருக்கும் குறைந்த ஊதியம் பெறும் சக ஊழியர்களுக்குமிடையிலான இந்த வகையான பிணைப்பே தொழில்நுட்ப தலைமை நிர்வாக அதிகாரியின் கனவு. பெருநிறுவனங்கள் பெரும்பாலும் தங்கள் குறைந்த வருமானம் கொண்ட தொழிலாளர்களை குப்பைகளாக கருதும் அதே வேளையில், அதிக வருமானம் கொண்ட ஊழியர்களை இழக்க மிகவும் தயங்குகிறார்கள். எனவே, அதிக ஊதியம் பெறும் ஊழியர்கள், தொழிற்சங்கம் கட்டி தங்களுக்காக குரல் எழுப்ப அனுமதிக்கப்படுகிறார்கள். கிடங்குகளில் பணிபுரியும் குறைந்த ஊதியம் பெறும் சக ஊழியர்களிடம் வாதிட அனுமதிக்கப்படுவதில்லை. இவ்வகையில் இவர்களை ஒருவருக்கொருவர் தனிமைப்படுத்த நிறுவனங்கள் தங்கள் வசம் உள்ள ஒவ்வொரு கருவியையும் பயன்படுத்துகின்றன.
எமிலி கன்னிங்ஹாம் மற்றும் மாரன் கோஸ்டா ஆகியோர் தொழில்நுட்ப தலைமை நிர்வாக அதிகாரிகளை பயமுறுத்தும் தொழிலாளர் ஒற்றுமையை உருவாக்கினர். இரண்டு பெண்களும் அமேசானின் சியாட்டில் தலைமையகத்தில் பயனர் அனுபவ வடிவமைப்பாளர்களாக 21 வருடங்கள் பணியாற்றினர். மற்ற அமேசான் கார்ப்பரேட் தொழிலாளர்களுடன் சேர்ந்து, அவர்கள் பருவநிலை நீதிக்கான அமேசான் தொழிலாளர் அமைப்பை (Amazon Employees for Climate Justice - AECJ) இணைந்து நிறுவினர். 2019 ஆம் ஆண்டில், 8,700 க்கும் மேற்பட்ட அமேசான் தொழிலாளர்கள் தங்கள் பெயர்களில் பகிரங்கமாக ஜெஃப் பெசோஸ் மற்றும் நிறுவனத்தின் இயக்குநர்கள் குழுவிற்கு பருவநிலை அறிவியலுடன் இணைந்திருக்கவும் தொழிலாளர்களைப் பாதுகாக்கவும் நிறுவனம் செயல்படுத்த வேண்டிய பருவநிலை தலைமை மற்றும் உறுதியான நடவடிக்கைகளைக் கோரி அனுப்பப்பட்ட திறந்த கடிதத்தில் தங்கள் பெயர்களில் கையெழுத்திட்டனர். அந்த ஆண்டின் பிற்பகுதியில், அமேசான் வரலாற்றில் கார்ப்பரேட் தொழிலாளர்களின் முதல் வேலைநிறுத்தத்தை AECJ ஏற்பாடு செய்தது. இளைஞர்கள் தலைமையிலான உலகளாவிய பருவநிலை வேலைநிறுத்தத்திற்கு ஒற்றுமையாக 3,000 அமேசான் தொழிலாளர்கள் உலகம் முழுவதும் ஈடுபட்டதாக குழு கூறுகிறது.
அமேசான் தனது பருவநிலை உறுதிமொழியை அறிவித்து, 2040-க்குள் நிகர-பூஜ்ஜிய கார்பனை அடைவதற்கான உறுதிப்பாட்டை அறிவித்தது - பாரிஸ் பருவநிலை ஒப்பந்தத்திற்கு 10 ஆண்டுகளுக்கு முன்னதாக. கன்னிங்ஹாம் மற்றும் கோஸ்டா ஆகியோர் பருவநிலை வேலைநிறுத்தத்திற்குப் பிறகு அவர்கள் இருவரும் நடவடிக்கை எடுத்து பணிநீக்கம் செய்யப்படுவார்கள் என்று அச்சுறுத்தப்பட்டதாகக் கூறுகிறார்கள் - ஆனால் AECJ குறைந்த ஊதிய தொழிலாளர்களுடன் ஒற்றுமையை வளர்ப்பதற்கான நடவடிக்கைகளை ஏற்பாடு செய்ததால் அவர்கள் உண்மையில் பணிநீக்கம் செய்யப்பட்டனர். கொரோனா தொடக்கத்தில் அவர்கள் எதிர்கொண்ட மோசமான வேலை நிலைமைகள் பற்றி விவாதிக்கும் கிடங்குத் தொழிலாளர்கள் குழுவைக் கேட்க கார்ப்பரேட் தொழிலாளர்களை அழைக்க திட்டமிட்ட சில மணிநேரங்களுக்குள், அமேசான் கோஸ்டா மற்றும் கன்னிங்ஹாமை நீக்கியது. தேசிய தொழிலாளர் உறவுகள் வாரியம் அவர்களின் பணிநீக்கம் சட்டவிரோதமானது என்பதைக் கண்டறிந்தது, பின்னர் நிறுவனம் ஈடுதொகை தந்து இரு பெண்களுடனும் சமாதானம் மேற்கொண்டது. குறைந்த வருமானம் பெறும் ஊழியர்களை தங்கள் தோழர்களாகப் பார்க்கும் உயர் வருமான ஊழியர்களின் அசைக்க முடியாத ஒற்றுமையிலேயே நிர்வாகிகளின் அச்சம் இருக்கிறது என்பதை இந்த வழக்கு விளக்குகிறது.
இதன் மூலம், "AI" யை இயக்குவதில் குறைந்த வருமானம் பெறும் தொழிலாளர்களின் பங்களிப்புகளை மையப்படுத்தவும், மனிதனையொத்த தானியங்கு இயந்திரங்கள் பற்றிய விவரிப்புகளால் பொதுமக்களை தவறாக வழிநடத்துவதை நிறுத்தவும் ஆராய்ச்சியாளர்களும் ஊடகவியலாளர்களயும் கேட்டுக்கொள்கிறோம். இந்த இயந்திரங்கள் உலகெங்கிலும் உள்ள குறைந்த ஊதியம் பெறும் தொழிலாளர் பட்டாளத்தால் உருவாக்கப்படுகின்றன. மோசமான AI அமைப்புகளின் தற்போதைய பெருக்கத்தின் பின்னணியில் உள்ள தொழிலாளர் சுரண்டலைப் பற்றிய தெளிவான புரிதலுடன், வலுவான தொழிலாளர் பாதுகாப்புக்காகவும் அவற்றை சீர்குலைக்கும் நிறுவன நடவடிக்கைகளுக்கெதிராகவும் பொதுமக்கள் குரல் கொடுக்கலாம்.
- வெண்பா
(தமிழில்)
மூலக்கட்டுரை: noemamag
